ದಾವಣಗೆರೆ, ಏ. 16 – ನಗರದ ಅಂತರರಾಷ್ಟ್ರೀಯ ಕ್ರೀಡಾಪಟು ಎಂ. ಮಹೇಶ್ವರಯ್ಯ `ಬೆಸ್ಟ್ ಸ್ಮಾರ್ಟ್ ರೆಫರೀ ಆಫ್ ಇಂಡಿಯಾ ರನ್ನರ್, ಟ್ರೊಪಿ’ಗೆ ಭಾಜನರಾಗಿದ್ದಾರೆ.  ತೆಲಂಗಾಣ ರಾಜ್ಯದ  ಹೈದರಾಬಾದ್‌ನ ಲಾಲ್ ಬಹದ್ದೂರ್‌ ಶಾಸ್ತ್ರೀ ಕ್ರೀಡಾಂಗಣದಲ್ಲಿ ಕಳೆದ ವಾರ ನಡೆದ ರಾಷ್ಟ್ರಮಟ್ಟದ ಪುರುಷರ ಹಾಗು ಮಹಿಳೆಯರ ನ್ಯಾಷನಲ್ ಸೀನಿಯರ್ ಕ್ಲಾಸಿಕ್ ಪವರ್ ಲಿಫ್ಟಿಂಗ್ ಚಾಂಪಿಯನ್ ಶಿಪ್ -2024 ಸ್ಪರ್ಧೆಯ ತೀರ್ಪುಗಾರರಾಗಿ  ಕಾರ್ಯ ನಿರ್ವಹಿಸಿದ ಮಹೇಶ್ವರಯ್ಯ ಅವರು `ಬೆಸ್ಟ್ ಸ್ಮಾರ್ಟ್ ರೆಫರೀ ಆಫ್ ಇಂಡಿಯಾ ರನ್ನರ್’ ಟ್ರೋಫಿಗೆ ಭಾಜನರಾಗಿದ್ದಾರೆ. ಹರಿಹರ ತಾಲ್ಲೂಕಿನ ಗಂಗನರಸಿ ಗ್ರಾಮದವರಾದ ಮಹೇಶ್ವರಯ್ಯ, ಪವರ್ ಲಿಫ್ಟಿಂಗ್‌ನಲ್ಲಿ ಜೀವಮಾನದ ಪ್ರಶಸ್ತಿ ಪುರಸ್ಕೃತರು, ಸ್ಟ್ರಾಂಗ್ ಮ್ಯಾನ್ ಆಫ್ ಏಷ್ಯಾ ಪ್ರಶಸ್ತಿ ಪುರಸ್ಕೃತರು ಹಾಗು ಕೆಟಗರಿ ನಂಬರ್ 1 ತೀರ್ಪುಗಾರರಾಗಿದ್ದಾರೆ.