ಮೇಷ ರಾಶಿ :
(ಚೂ.ಚೇ.ಚೋ.ಲ.ಲಿ.ಉ.ಲೇ.ಲೊ.ಅ.)
ಈ ವಾರ ಹಣಕಾಸಿನ ವಿಚಾರದಲ್ಲಿ ತುಸು ಮುಂಜಾಗ್ರತೆ ವಹಿಸದಲ್ಲಿ ಮಾತ್ರ ತುಸು ನೆಮ್ಮದಿಯಿಂದಿರಲು ಸಾಧ್ಯ. ಇಲ್ಲವಾದಲ್ಲಿ ಕಂಡವರ ಮುಂದೆ ಕೈಯೊಡ್ಡ ಬೇಕಾದೀತು ವ್ಯಾಪಾರ, ವ್ಯವಹಾರದಲ್ಲಿ ಕೆಲವೊಮ್ಮೆ ನೀವು ತೆಗೆದುಕೊಳ್ಳುವ ನಿರ್ಧಾರಗಳು ನಿಮಗೇ ಮುಳುವಾಗಬಹುದು ಹಾಗೆಂದ ಮಾತ್ರ ಆದಾಯಕ್ಕೇನೂ ಕೊರತೆಯಿಲ್ಲ ವಿತರಣೆ ಸರಿಯಾಗಿರಬೇಕಷ್ಟೆ ಅತಿಯಾದ ಬೋಜನ ಕೂಟಗಳಿಗೊಂದು ಕಡಿವಾಣ ಹಾಕದೇ ಹೋದಲ್ಲಿ ಉದರ ಸಂಬಂಧಿ ಆರೋಗ್ಯ ಸಮಸ್ಯೆ ತಪ್ಪಿದ್ದಲ್ಲ ಅಪರಿಚಿತರೊಂದಿಗೆ ಹಣಕಾಸಿನ ವ್ಯವಹಾರ ಖಂಡಿತಾ ಬೇಡ.ಗೋ ಸೇವೆಮಾಡಿ. ಭಾನು, ಮಂಗಳ, ಗುರು ಶುಭದಿನಗಳು.
ವೃಷಭ ರಾಶಿ :
(ಇ.ಉ.ಎ.ಒ.ವ.ವಿ.ವು.ವೆ.ವೋ)
ಈ ವಾರ ನಿಮ್ಮ ನಡಾವಳಿಯಲ್ಲಿ ಅನಿರೀಕ್ಷಿತ ಬದಲಾವಣೆಯೊಂದು ಕಂಡುಬರಲಿದ್ದು, ಇದು ಎಲ್ಲರಿಗೂ ಅಚ್ಚರಿಯನ್ನುಂಟು ಮಾಡಲಿದೆ. ಮೊದಲ ಬಾರಿ ಗರ್ಭಿಣೆಯಾದವರು ತುಸು ಎಚ್ಚರದಿಂದಿರುವುದು ಮೇಲು ಕೆಲಸ, ಕಾರ್ಯಗಳಲ್ಲಿ ಒರಟುತನ ಬೇಡ. ಮಡದಿ ಮಕ್ಕಳ ಆರೋಗ್ಯದಲ್ಲಿ ವ್ಯತ್ಯಾಸ ಕಂಡುಬರಲಿದೆ, ಜೊತೆಗೆ ವೈದ್ಯಕೀಯ ವೆಚ್ಚ ತುಸು ಹೆಚ್ಚೇ ಆಗಲಿದೆ. ಹಾಗೆಂದ ಮಾತ್ರಕ್ಕೆ ದೈನಂದಿನ ಜೀವನಕ್ಕೇನೂ ತೊಂದರೆಯಿಲ್ಲ. ಕೆಲವರಿಗೆ ಪಾಲುದಾರಿಕೆ ವ್ಯವಹಾರದಲ್ಲಿ ಅನಿರೀಕ್ಷಿತವಾಗಿ ನಿರೀಕ್ಷೆಗಿಂತಲೂ ಹೆಚ್ಚಿನ ಲಾಭಾಂಶ ಬರಲಿದೆ. ಈ ಸಂದರ್ಭದಲ್ಲಿ ಉಳಿತಾಯದ ಬಗ್ಗೆ ಯೋಚಿಸುವುದು ಮೇಲು. ಗುರು, ಶುಕ್ರ, ಶನಿ ಶುಭದಿನಗಳು.
ಮಿಥುನ ರಾಶಿ :
(ಕ.ಕಿ.ಕು.ಘ, ಔ, ಚ.ಕೆ.ಕೋ.ಹ.)
ಹಣಕಾಸಿನ ನಿರ್ವಣೇ ವಿಚಾರದಲ್ಲಿ ನಿಮ್ಮನ್ನು ಮೀರಿಸುವವರು ಈ ವಾರ ಯಾರೂ ಇಲ್ಲ ಹೊಸದಾಗಿ ಸಂಸಾರ ಆರಂಭಿಸಿರುವವರು ಹೊಂದಾಣಿಕೆ ಜೀವನ ನಡೆಸುವುದು ಮೇಲು. ಬಂಧುಗಳ ವೈಯುಕ್ತಿಕ ವ್ಯವಹಾರಗಳಲ್ಲಿ ನಿಮ್ಮ ಪ್ರವೇಶಬೇಡ. ಇಲ್ಲವಾದಲ್ಲಿ ಧನ ಅಥವಾ ಮಾನ ಇಲ್ಲವೇ ಎರಡೂ ಹಾನಿಯಾಗಬಹುದು, ಯುವಜನರು ಸ್ವಪ್ರತಿಷ್ಠೆ ಬಿಟ್ಟಲ್ಲಿ ಮಾತ್ರ ಬದುಕಿನಲ್ಲಿ ಯಶಸ್ಸು ಕಾಣಲು ಸಾಧ್ಯ. ವಿದ್ಯಾರ್ಥಿಗಳು ಅಧ್ಯಯನವನ್ನು ತುಸು ಗಂಭೀರವಾಗಿ ಪರಿಗಣಿಸುವುದು ಉತ್ತಮ. ವಿದೇಶೀ ವ್ಯವಹಾರಗಳಲ್ಲಿ ಹೂಡಿಕೆ ಮಾಡಲು ಹೋಗಬೇಡಿ. ಅನ್ನದಾನಮಾಡಿ. ಭಾನು, ಮಂಗಳ, ಬುಧ ಶುಭದಿನಗಳು.
ಕರ್ಕಾಟಕ ರಾಶಿ :
(ಹಿ.ಹು.ಹೆ.ಹೂ.ಡ.ಡಿ.ಡು.ಡೆ.ಡೋ)
ಕಳೆದ ವಾರ ಬಲು ಹುರುಪಿನಿಂದ ಕೆಲಸ ಕಾರ್ಯಗಳಲ್ಲಿ ತೊಡಗಿಕೊಂಡ ನಿಮಗೆ ಈ ವಾರ ದೇಹದಲ್ಲಿ ನಿಶ್ಯಕ್ತಿ ಕಾಣಿಸಿಕೊಳ್ಳಲಿದೆ. ದಣಿದ ದೇಹಕ್ಕೆ ತುಸು ವಿಶ್ರಾಂತಿ ಕೊಡುವುದು ಮೇಲು-ಮಧ್ಯಗತಿ ಆದಾಯ ನಿತ್ಯ, ನೈಮಿತ್ತಿಕಗಳಿಗೆ ಸಾಕಾಗದೇ ಹೋಗಬಹುದು, ಸರ್ಕಾರದಿಂದ ಬರಬೇಕಾಗಿರುವ ಪಿಂಚಣಿ ಹಣ ಇಷ್ಟರಲ್ಲೇ ಕೈ ಸೇರಲಿದೆ. ಮಡದಿ ಮಕ್ಕಳು ಕೊಡಲಿರುವ ಸಲಹೆಗಳು ಮುಂದೆ ಪ್ರಯೋಜನಕ್ಕೆ ಬರಲಿವೆ, ಮಗನ ಆದಾಯದಲ್ಲಿ ತುಸು ಹೆಚ್ಚಳ ಕಂಡು ಬರಲಿದೆ. ಅವಿವಾಹಿತರಿಗೆ ಕಂಕಣಭಾಗ್ಯ, ಇಷ್ಟರಲ್ಲೇ ಕೂಡಿಬರಲಿದೆ, ಕೊಟ್ಟ ಸಾಲವನ್ನು ಕೇಳದೇ, ಹೋದಲ್ಲಿ ತೊಂದರೆಯಾದೀತು. ಸೋಮ, ಬುಧ ಗುರು. ಶುಭ ದಿನಗಳು.
ಸಿಂಹ ರಾಶಿ :
(ಮ.ಮಿ.ಮು.ಮೋ.ವೆ.ಟ.ಟಿ.ಟು.ಟೆ)
ನೀವು ಪಡುವ ಶ್ರಮದ ಸುಖವನ್ನು ಬೇರೆಯವರು ಅನುಭವಿಸುತ್ತಾರೆಯೇ ಹೊರತು ಶ್ರಮಪಡುವುದೇ ನಿಮ್ಮ ನಸೀಬಾಗಲಿದೆ. ಆದಾಯದಲ್ಲಿ ಉಂಟಾಗುವ ಏರಿಳಿತಗಳು ನಿಮ್ಮ ಲೆಕ್ಕಾಚಾರವನ್ನೇ ಬುಡಮೇಲು ಮಾಡಲಿದೆ. ಮಹಿಳೇಯರು ಆಡಬಹುದಾದ ಮಾತಿನಿಂದಾಗಿ ಮನೆಯಲ್ಲಿ ಅಶಾಂತಿ ಮೂಡಲಿದೆ, ಇದನ್ನು ಸಾಧ್ಯವಾದಷ್ಟು ತಡೆಯಲು ಪ್ರಯತ್ನಿಸಿ, ಗೆಳೆಯರೊಂದಿಗೆ ವೈಮನಸ್ಯ ಬೇಡ, ಅವರ ಸಲಹೆಗಳು ನಿಮಗೆ ಅತ್ಯಮೂಲ್ಯ ಎಂಬುದನ್ನು ಮರೆಯಬೇಡಿ. ಪ್ರಸೂತಿ ತಜ್ಞರು ತಮ್ಮ ಕಾರ್ಯನಿರ್ವಹಣೆ ಕಾಲದಲ್ಲಿ ಹೆಚ್ಚಿನ ನಿಗಾವಹಿಸುವುದು ಮೇಲು, ಗುರುಗಳನ್ನು ಆರಾಧಿಸಿರಿ. ಭಾನು, ಮಂಗಳ, ಬುಧ ಶುಭದಿನಗಳು.
ಕನ್ಯಾ ರಾಶಿ :
(ಟೋ.ಪ.ಪಿ.ಪು.ಷ.ಣ.ಠ.ಪೆ.ಪೋ)
ಧನ ಸಂಗ್ರಹ ಮಾಡುವ ನಿಟ್ಟಿನಲ್ಲಿ ನೀವು ತೋರಲಿರುವ ಜಿಪುಣತನ ಬೇರೆಯರ ಅಪಹಾಸ್ಯಕ್ಕೆ ಕಾರಣವಾಗಲಿದೆ, ಕುಟುಂಬಕ್ಕೆ ಸಂಬಂಧಿಸಿದ ಕೆಲವು ವಿಷಯಗಳ ಬಗ್ಗೆ ತಿಳಿದೂ ತಿಳಿಯದಂತಿರುವುದು ಮೇಲು, ಇಲ್ಲವಾದಲ್ಲಿ ಮನಃ ಶಾಂತಿ ಕಳೆದುಕೊಳ್ಳಬೇಕಾದೀತು. ಆದಾಯವು ಮಧ್ಯ ಗತಿಯಲ್ಲಿರುವುದರಿಂದ ಹೊಸ ಯೋಜನೆಗಳಿಗೆ ಚಾಲನೆ ಕೊಡಲು ಹೋಗಬೇಡಿ, ಮನೆಯ ಸದಸ್ಯರಿಂದಲೇ ನಿಮ್ಮ ವಿರುದ್ಧ ಆಪಾದನೆಗಳು ಕೇಳಿಬರಬಹುದು, ಸದ್ಯದ ಪರಿಸ್ಥಿಯಲ್ಲಿ ಸ್ಥಿತ ಪ್ರಜ್ಞ ನಂತಿರುವುದು ಮೇಲು ಹೊಸದಾಗಿ ನೌಕರಿ ಸೇರಿದವರಿಗೆ ಹಿರಿಯ ಸಹೋದ್ಯೋಗಿಗಳಿಂದ ಉತ್ತಮ ಸಹಕಾರ ದೊರೆಯಲಿದೆ. ಮಂಗಳ, ಬುಧ, ಗುರು ಶುಭ ದಿನಗಳು.
ತುಲಾ ರಾಶಿ :
(ರ.ರಿ.ರು.ರೆ.ರೊ.ತ.ತಿ.ತು.ತೆ.)
ತಮ್ಮ ತಪ್ಪಿನಿಂದಲೇ ಹತಾಶರಾದ ವೈರಿಗಳನ್ನು ನೋಡಿ ಮನಸ್ಸಿನಲ್ಲೇ ಆನಂದ ಪಡುವಿರಿ, ಜೊತೆಗೆ ಅವರನ್ನು ಗೆದ್ದಂತಹ ಮನೋಭಾವ ಮೂಡಲಿದೆ, ಮಧ್ಯಗತಿಯ ಆದಾಯದಿಂದ ದೈನಂದಿನ ಬದುಕು ಸಾಗಲಿದೆಯೇ ಹೊರತು, ಉಳಿತಾಯ ಸಾಧ್ಯವಾಗದೇ ಹೋಗಬಹುದು, ಬಂಧುಗಳೊಂದಿಗೆ ನೀವು ನಡೆದು ಕೊಳ್ಳುವ ರೀತಿ ಕೆಲವೊಮ್ಮೆ ನಿಮಗೇ ಮುಜುಗರವಾಗಲಿದೆ, ಸಂಸಾರದಲ್ಲಿ ನೆಮ್ಮದಿ, ಶಾಂತಿ ಕಂಡು ಬರಲಿದೆ, ಸೋದರನ ವಿವಾಹಕ್ಕೆ ಬಹುಶ್ರಮಪಡಬೇಕಾದೀತು ನಿಮ್ಮ ಬಾಳ ಸಂಗಾತಿಗೆ ಉತ್ತಮ ವೇತನದ ನೌಕರಿ ಸಿಗಲಿದೆ ಕುಲದೇವತಾರಾಧನೆ ಮಾಡಿರಿ, ಗೋ ಸೇವೆ ಮಾಡಿ. ಗುರು, ಶುಕ್ರ, ಶನಿ ಶುಭ ದಿನಗಳು.
ವೃಶ್ಚಿಕ ರಾಶಿ :
(ತೊ.ನ.ನಿ.ನು.ನೆ.ನೋ.ಯ.ಯಿ.ಯು.)
ಕ್ರಮೇಣವಾಗಿ ಹೆಚ್ಚುತ್ತಿರುವ ಆದಾಯ ನಿಮ್ಮ ಎಲ್ಲಾ ಅಗತ್ಯಗಳನ್ನು ಪೂರೈಸಲಿವೆ. ಹಾಗೆಂದ ಮಾತ್ರಕ್ಕೆ ದುಂದು ವೆಚ್ಚಸಲ್ಲದು, ನೀವು ಮಾಡಲಿರುವ ಸಾಮಾಜಿಕ ಕೆಲಸಗಳಿಗೆ ಜನರಿಂದ ಹೆಚ್ಚಿನ ಪ್ರೋತ್ಸಾಹ ದೊರೆಯಲಿದೆ, ಸಾಂಪ್ರದಾಯಿಕ ಕೃಷಿಯಲ್ಲಿ ತೊಡಗಿ ಕೊಂಡವರಿಗೆ ಹೆಚ್ಚಿನ ಲಾಭವಾಗಲಿದೆ, ವಿಷಯದ ಅರಿವಿಲ್ಲದೇ ಮಾತನಾಡಲು ಹೋದಲ್ಲಿ ಅಪಹಾಸ್ಯಕ್ಕೀಡಾಗುವಿರಿ. ತ್ಯಾಜ್ಯ ವಸ್ತುಗಳ ವಿಲೇವಾರಿ ಮಾಡುವವರಿಗೆ ಹೆಚ್ಚಿನ ಲಾಭವಿಲ್ಲದಿದ್ದರೂ ಸಾಕಷ್ಟು ಆದಾಯವಾಗಲಿದೆ. ಕೆಲವು ಕೌಟುಂಬಿಕ ನಿರ್ಧಾರಗಳ ಬಗ್ಗೆ ಹಿರಿಯರ ಅಣತಿಯಂತೆ ನಡೆದುಕೊಳ್ಳುವುದು ಮೇಲು. ಭಾನು, ಮಂಗಳ, ಗುರು, ಶುಭ ದಿನಗಳು.
ಧನು ರಾಶಿ :
(ಯೆ.ಯೋ. ಬ.ಬಿ.ಬು.ಧ.ಫ.ಡ.ಬೆ.)
ಆತ್ಮಾಭಿಮಾನ ಅಥವಾ ಸ್ವಾಭಿಮಾನಕ್ಕೆ ಹೆಚ್ಚು ಬೆಲೆ ಕೊಡುವ ನಿಮ್ಮನ್ನು ಇಡೀ ಸಮಾಜವೇ ಗೌರವಿಸಲಿದೆ, ಆದರೆ ಅದು ದುರಭಿಮಾನಕ್ಕೆ ತಿರುಗಬಾರದಷ್ಟೇ. ಅಗತ್ಯಕ್ಕೆ ತಕ್ಕಂತೆ ಆದಾಯವಿರುವುದರಿಂದ ಹೆಚ್ಚಿನ ನಿರೀಕ್ಷೆಬೇಡ, ವಿದೇಶದಲ್ಲಿ ರಿಯಲ್ ಎಸ್ಟೇಟ್ ವ್ಯವಹಾರ ಮಾಡುವವರಿಗೆ ಹೇರಳ ಲಾಭವಾಗಲಿದೆ, ಸರ್ಕಾರದಿಂದಾಗ ಬೇಕಾಗಿರುವ ಕೆಲಸಗಳು ನಿಧಾನವಾದರೂ ಚಿಂತಿಸಬೇಡಿ, ನಿಧಾನವಾದಷ್ಟೂ ನಿಮಗೇ ಹೆಚ್ಚಿನ ಲಾಭವಾಗಲಿದೆ, ಸಂಗಾತಿಯ ಆರೋಗ್ಯ ನಿಮಿತ್ಯ ತುಸು ಹೆಚ್ಚೇ ಎನ್ನಬಹುದಾದ ವೆಚ್ಚ ಅನಿವಾರ್ಯವಾಗಲಿದೆ, ಆಸ್ತಿ ಖರೀದಿ ವಿಚಾರವನ್ನು ಸದ್ಯದ ಮಟ್ಟಿಗೆ ಮುಂದೂಡು ವುದು ಲೇಸು. ಭಾನು, ಸೋಮ, ಗುರು ಶುಭ ದಿನಗಳು.
ಮಕರ ರಾಶಿ :
(ಜೊ.ಜ.ಜಿ.ಜೆ.ಶಿ.ಶು.ಶೇ.ಶೋ.ಗ.ಗಿ)
ಆದಾಯದಲ್ಲಿ ತುಸು ಮಟ್ಟಿಗೆ ಏರಿಕೆಯಾದರೂ ಆಗಬಹುದಾದ ಖರ್ಚು ವೆಚ್ಚಗಳಿಗೆ ಸರಿ ಹೋಗಲಿದೆ, ಆಗಬೇಕಾಗಿರುವ ಶುಭ ಕಾರ್ಯಗಳಿಗೆ ಬಂಧುಗಳಿಂದಲೇ ಮತ್ತೆ ಮತ್ತೆ ವಿಘ್ನಗಳುಂಟಾಗಲಿದೆ, ಮಾಡಬೇಕಾಗಿರುವ ಕಾರ್ಯಗಳಿಗೆ ನಿಮ್ಮಿಂದ ಹೆಚ್ಚಿನ ದೇಣಿಗೆ ಸಂದಾಯವಾಗಲಿದೆ, ರಾಜಕಾರಣಿಗಳು ಪಕ್ಷದ ಧುರೀಣರ ಮಾತುಗಳನ್ನು ನಂಬಿಯೂ ನಂಬದಂತಿರುವುದು ಮೇಲು, ಊಟೋಪಚಾರ ವಿಚಾರದಲ್ಲಿ ಉದಾಸೀನತೆ ಸಲ್ಲದು ಕರಿದ ಮಸಾಲೆ ಪದಾರ್ಥಗಳ ಅತಿ ಸೇವನೆ ಆರೋಗ್ಯ ದೃಷ್ಟಿಯಿಂದ ಹಾನಿಕರ ಸಾಧು ಸಂತರ ದರ್ಶನವಾಗಲಿದೆ, ಗೋ ಸೇವೆಮಾಡಿ. ಬುಧ-ಶುಕ್ರ-ಶನಿ-ಶುಭ ದಿನಗಳು.
ಕುಂಭ ರಾಶಿ :
(ಗು.ಗೆ.ಗೊ.ಸ.ಸಿ.ಸು.ಸೆ.ಸೋ.ದ)
ಮಾಡಲೇ ಬೇಕಾಗಿರುವ ಕೆಲಸಗಳ ವಿಚಾರದಲ್ಲಿ ಚಿತ್ತ ಚಾಂಚಲ್ಯ ಬೇಡ. ಗಮನವಿಟ್ಟು ಕೆಲಸ ಮಾಡದೇ ಹೋದಲ್ಲಿ ನೀವು ಇಷ್ಟು ದಿನ ಪಟ್ಟ ಶ್ರಮವೆಲ್ಲವೂ ವ್ಯರ್ಥವಾದೀತು. ವಿದೇಶದಲ್ಲಿ ಹೂಡಿರುವ ಬಂಡವಾಳ ಇನ್ನು ಮುಂದೆ ಲಾಭ ತರಲಿದೆ, ವೈಯಕ್ತಿಕ ವಿಚಾರವನ್ನು ಆತ್ಮೀಯೇತರರಲ್ಲಿ ಹೇಳಿಕೊಳ್ಳುವುದರಿಂದ ನೀವೇ ನಗೆ ಪಾಟಲೀಡಾಗುವಿರಿ. ಬಂಧುಗಳೊಂದಿಗೆ ಆಡಲಿರುವ ಮಾತಿನ ಮೇಲೆ ಹಿಡಿತವಿರಲಿ, ಕರಿದ ಪದಾರ್ಥಗಳ ಅತಿ ಸೇವನೆಯಿಂದಾಗಿ ತುರಿಕೆ ಮೊದಲಾದ ಚರ್ಮ ಸಂಬಂಧಿ ಖಾಯಿಲೆಗಳು ನಿಮ್ಮನ್ನು ಬಾಧಿಸಬಹುದು, ಆದಾಯದ ಮೂಲದಲ್ಲಿ ಕ್ರಮೇಣ ಹೆಚ್ಚಳ ಕಂಡುಬರಲಿದೆ. ಭಾನು, ಗುರು, ಶನಿ, ಶುಭ ದಿನಗಳು.
ಮೀನಾ ರಾಶಿ :
(ದಿ.ದು.ಖ.ಝ.ಥ.ದೆ.ದೋ.ಖ.ಚ.ಚಿ.)
ನಿಮ್ಮದೇ ವೈಯುಕ್ತಿಕ ಸಮಸ್ಯೆಗಳು ಬೇಕಾದಷ್ಟಿರುವಾಗ ಮತ್ತೊಬ್ಬರ ಬಗ್ಗೆ ತಲೆಕೆಡಿಸಿಕೊಳ್ಳುವುದರಲ್ಲಿ ಸಮಯ ವ್ಯರ್ಥವಾಗಲಿದೆ, ಯುವಜನರು ಗುರು-ಹಿರಿಯ ರೊಂದಿಗೆ ಮಾತನಾಡುವಾಗ ಸೌಜನ್ಯದಿಂದಿರುವುದು ಮೇಲು, ಸೋದರನಿಗೆ ಆಸ್ತಿಕೊಳ್ಳಲು ನೆರವಾಗುವಿರಿ, ಕೊಟ್ಟ ಸಾಲವನ್ನು ಮರಳಿ ಕೇಳದೇ ಹೋದಲ್ಲಿ ನೀವೇ ಸಾಲಗಾರರಾಗುವ ಸನ್ನಿವೇಶ ಬಂದಿತು. ಶಸ್ತ್ರಚಿಕಿತ್ಸಾ ವೈದ್ಯರಿಗೆ ಆದಾಯ ಹೆಚ್ಚಲಿದೆ, ಆದಾಯ ತೆರಿಗೆ ಇಲಾಖೆಯಲ್ಲಿರುವವರಿಗೆ ಮೇಲಾಧಿಕಾರಿಗಳಿಂದ ಹೆಚ್ಚಿನ ಗುರಿ ಮುಟ್ಟುವಂತೆ ಮೇಲಿಂದ ಮೇಲೆ ಒತ್ತಡ ಬರಲಿದೆ ಸಾಕು ಪ್ರಾಣಿಗಳಿಂದ ಅಪಾಯವಾಗಬಹುದು. ಸೋಮ, ಬುಧ, ಗುರು, ಶುಭ ದಿನಗಳು.
ಈ ವಾರದ ವಿಶೇಷ ದಿನಗಳು : ದಿನಾಂಕ: 15.12.2024 ನೇ ಭಾನುವಾರ ಹೊಸ್ತಿಲ ಹುಣ್ಣಿಮೆ, ದಿನಾಂಕ: 18.12.2024ನೇ ಬುಧವಾರ ಸಂಕಷ್ಟ ಚತುರ್ಥೀ ಚಂದ್ರೊದಯ ರಾತ್ರಿ 9-00 ಗೆ.
ಜಯತೀರ್ಥಾಚಾರ್ ವಡೇರ್
ದಾವಣಗೆರೆ.
ಫೋ. : 94486 66678