ಹರಿಹರ, ಸೆ. 1 -ಇಲ್ಲಿನ ಕುರುಬರ ಬೀದಿಯಲ್ಲಿರುವ ಶ್ರೀ ಸಿದ್ಧಾರೂಢ ಭಕ್ತ ಮಂಡಳಿ   ಇವರ ಆಶ್ರಯದಲ್ಲಿ ನಡೆಯುವ ಹೊಸಪೇಟೆ ಬೀದಿಯ ಶ್ರೀ ಗ್ರಾಮದೇವತೆ ಸಮುದಾಯ ಭವನದಲ್ಲಿ ನಾಡಿದ್ದು ದಿನಾಂಕ 3ರ ಮಂಗಳವಾರ ಸಂಜೆ 6 ಗಂಟೆಗೆ ಶ್ರೀ ಸಿದ್ದಾರೂಢ ಸ್ವಾಮಿಗಳವರ ಕಥಾಮೃತ ಶ್ರಾವಣದ 35ನೇ ವರ್ಷದ ಮುಕ್ತಾಯ ಸಮಾರಂಭ ನಡೆಯಲಿದೆ.

ದಿವ್ಯ ಸಾನ್ನಿಧ್ಯವನ್ನು ಹರಿಹರ ಸದ್ಗುರು ಶ್ರೀ ಬ್ರಹ್ಮಾನಂದ ಮಠದ  ಶ್ರೀ ಅಭಿನವ ಕೃಪಾನಂದ ಭಾರತಿ ಸ್ವಾಮೀಜಿ, ಪೂಜ್ಯ ಶ್ರೀ ನೀಲಕಂಠಪ್ಪ ಅಗಡಿ, ಮಲ್ಲಿಕಾರ್ಜುನ ದೇವಾಂಗದ, ಮಂಜಯ್ಯ ಒಡೆಯರ್, ಹನುಮಂತಪ್ಪ ಅವಧೂತರು ವಹಿಸುವರು.

ಮುಖ್ಯ ಅತಿಥಿಗಳಾಗಿ ರಾಮಚಂದ್ರ ಕಲಾಲ್, ಶ್ರೀ ವಿವೇಕಾನಂದ ಸ್ವಾಮಿ, ಶ್ರೀಮತಿ ಪಕ್ಕೀರಮ್ಮ ಹುಲಿಕಟ್ಟಿ, ಜಕ್ಕವ್ವರ ರೇವಣಸಿದ್ದಪ್ಪ, ಕೆ. ಜಡಿಯಪ್ಪ, ಡಾ. ಶಂಕರೋಜಿ ರಾವ್ ಎಂ.ಎಸ್  ಮತ್ತು ಇತರರು ಭಾಗವಹಿಸುವರು. 

ಸಂಗೀತ ಸೇವೆ: ಮೌನೇಶ್ ಬಡಿಗೇರ್, ಶ್ರೀ ಶಿವಾನಂದಪ್ಪ, ಕಾಶಿನಾಥಾಚಾರ್, ಧನಂಜಯ ಆಚಾರ್ ನಡೆಸಿಕೊಡಲಿದ್ದಾರೆ ಎಂದು ಶ್ರೀ ಸಿದ್ಧಾರೂಢ ಭಕ್ತ ಮಂಡಳಿಯ ಮೂಗಿನವರ ಕೆ. ಹನುಮಂತಪ್ಪ  (99640 18679) ತಿಳಿಸಿದ್ದಾರೆ.