ಚಿಗಟೇರಿ, ಸೆ. 9- ಇಲ್ಲಿನ ಇತಿಹಾಸ ಪ್ರಸಿದ್ಧ ಶ್ರೀ ನಾರದಮುನಿ ದೇವಾಲಯದಲ್ಲಿ ಶ್ರಾವಣ ಮಾಸದ ಕೊನೆಯ ಶನಿವಾರದ ಪ್ರಯುಕ್ತ ವಿಶೇಷ ಪೂಜೆ ನೆರವೇರಿಸಲಾಯಿತು. 

ಮುಂಜಾನೆ ದೇವಾಲಯದ ಅರ್ಚಕರು ಮಂತ್ರ ಘೋಷಗ ಳೊಂದಿಗೆ ಅಭಿಷೇಕ ನೆರವೇರಿಸಿದರು.  ಸೇವಾ ಟ್ರಸ್ಟ್‌ನಿಂದ ವಿಶೇಷ ಹೂವಿನ ಅಲಂಕಾರ ಮಾಡಲಾಗಿತ್ತು. ಸುಮಾರು 15 ಸಾವಿರಕ್ಕೂ ಹೆಚ್ಚು ಭಕ್ತರು ಅನ್ನ ದಾಸೋಹದಲ್ಲಿ ಪಾಲ್ಗೊಂಡಿದ್ದರು ಎಂದು ಶ್ರೀ ನಾರದಮುನಿ  ಸೇವಾ ಟ್ರಸ್ಟಿನ ಅಧ್ಯಕ್ಷರೂ ಆಗಿರುವ ಹೋಟೆಲ್ ಉದ್ಯಮಿ ಅಣಬೇರು ರಾಜಣ್ಣ ತಿಳಿಸಿದರು.  

ಸದಸ್ಯರಾದ ಶಾಮನೂರು ಬಸಣ್ಣ, ವಡ್ಡಿನಹಳ್ಳಿ ಷಡಕಣ್ಣ, ಕಲಪನಹಳ್ಳಿ ಬಸವಲಿಂಗಪ್ಪ ,  ಪಲ್ಲಾಗಟ್ಟೆ ನಾಗರಾಜ,  ಹೊಳಲ್ಕೆರೆ ವೇದಮೂರ್ತಿ , ಚಿಗಟೇರಿ ಗ್ರಾಮದ ರಾಜಣ್ಣಗೌಡ, ಜಯಣ್ಣಗೌಡ, ದ್ಯಾಮನಗೌಡ ಮುಂತಾದವರು ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು.