ಹರಿಹರ,ಆ.6-  ನಗರದ ಎಚ್.ಪಿ.ಚಿನ್ನಪ್ಪ ಕಾಲೋನಿಯಲ್ಲಿರುವ  ಶ್ರೀ ವೀರಭದ್ರೇಶ್ವರ ದೇವ ಸ್ಥಾನದಲ್ಲಿ 46ನೇ ವರ್ಷದ ಶ್ರಾವಣ ಮಾಸದ ವಿಶೇಷ ಪೂಜೆಗಳನ್ನು ಹಮ್ಮಿಕೊಳ್ಳಲಾಗಿದೆ. ಸೆಪ್ಟೆಂಬರ್ 2ರವರೆಗೆ ಪ್ರತಿ ದಿನ ಬೆಳಿಗ್ಗೆ 7ರಿಂದ ಸ್ವಾಮಿಗೆ ಪುರೋಹಿತ ಮೃತ್ಯುಂಜಯಸ್ವಾಮಿ ವಿ. ಬೂಸನೂರುಮಠ ಇವರ ಸಹಯೋಗದಲ್ಲಿ ಮಹಾ ರುದ್ರಾಭಿಷೇಕ, 108 ಬಿಲ್ವಾರ್ಚನೆ, ಅಲಂಕಾರ ಮಹಾ ಪೂಜೆ, ಪ್ರಸಾದ ವಿತರಣೆ ನಡೆಯಲಿದೆ.

ಗುಗ್ಗಳ, ಪಲ್ಲಕ್ಕಿ ಉತ್ಸವ: ಇದೇ ದಿನಾಂಕ 30 ರಂದು ಬೆಳಿಗ್ಗೆ 9ಕ್ಕೆ ಸ್ವಾಮಿ ಗುಗ್ಗಳ ಹಾಗೂ ಪಲ್ಲಕ್ಕಿ ಉತ್ಸವ ನಡೆಯಲಿದೆ. ಮೆರವಣಿಗೆ ನಂತರ ಅಗ್ನಿಕುಂಡ, ಅನ್ನ ಸಂತರ್ಪಣೆ ನಡೆಯಲಿದೆ ಎಂದು ದೇವಸ್ಥಾನದ ಸೇವಾ ಟ್ರಸ್ಟ್ ಮತ್ತು ಸದ್ಭಕ್ತ ಮಂಡಳಿಯ ಎಚ್.ಪಿ.ಜಗದೀಶ್ ತಿಳಿಸಿದ್ದಾರೆ.