ವಿಶ್ವ ಕ್ಯಾನ್ಸರ್ ದಿನವನ್ನು ಮೊದಲ ಬಾರಿಗೆ ಫೆಬ್ರವರಿ 4, 2000 ರಂದು ಪ್ಯಾರಿಸ್ ನಲ್ಲಿ ಆಚರಿಸಲಾಯಿತು. ನ್ಯೂ ಮಿಲೇನಿಯಂಗಾಗಿ ಕ್ಯಾನ್ಸರ್ ವಿರುದ್ಧ ವಿಶ್ವ ಶೃಂಗ ಸಭೆಯಲ್ಲಿ ಈ ದಿನವು ಅಸ್ತಿತ್ವಕ್ಕೆ ಬಂದಿತು.
ಅಂದಿನಿಂದ ಪ್ರತಿವರ್ಷ ಪ್ರಪಂಚದಾದ್ಯಂತ ಕ್ಯಾನ್ಸರ್ ರೋಗಿಗಳ ಜೀವನದ ಗುಣಮಟ್ಟವನ್ನು ಸುಧಾರಿಸಲು ಮತ್ತು ಕ್ಯಾನ್ಸರ್ ತಡೆಗಟ್ಟುವಿಕೆ ಮತ್ತು ಚಿಕಿತ್ಸೆಯ ಬಗ್ಗೆ ಜಾಗೃತಿ ಮೂಡಿಸಲು ಪ್ರತಿವರ್ಷ ವಿಭಿನ್ನ ಥೀಮ್ ನೊಂದಿಗೆ ಆಚರಣೆ ಮಾಡಲಾಗುತ್ತದೆ.
ವಿಶ್ವ ಕ್ಯಾನ್ಸರ್ ದಿನ 2025 ರ ಥೀಮ್ : `ಯುನೈಟೆಡ್ ಬೈ ಯುನಿಕ್’ ಅಂದರೆ `ಅನನ್ಯತೆಯಿಂದ ಒಂದುಗೂಡಿದೆ’ ಎಂಬರ್ಥದೊಂದಿಗೆ ಕ್ಯಾನ್ಸರ್ ನ ವಿರುದ್ಧದ ಹೋರಾಟಕ್ಕೆ ಗಮನವನ್ನು ತರುತ್ತದೆ.
ಪ್ರತಿ ಹತ್ತು ಮಂದಿ ಭಾರತೀಯರಲ್ಲಿ ಒಬ್ಬರು ಈ ಮಹಾಮಾರಿಗೆ ತುತ್ತಾಗುತ್ತಿದ್ದು, ವಾರ್ಷಿಕವಾಗಿ 16 ಮಿಲಿಯನ್ ಮಂದಿ ಕ್ಯಾನ್ಸರ್ ಗೆ ಬಲಿಯಾಗುತ್ತಿದ್ದಾರೆ ಎಂದು ವಿಶ್ವ ಆರೋಗ್ಯ ಸಂಸ್ಥೆ ತನ್ನ ವರದಿಯಲ್ಲಿ ತಿಳಿಸಿದೆ. ಜಾಗತಿಕವಾಗಿ ಪ್ರತಿವರ್ಷ 6 ಜನರಲ್ಲಿ ಒಬ್ಬರು ಕ್ಯಾನ್ಸರ್ ನಿಂದ ಪ್ರಾಣ ಕಳೆದುಕೊಳ್ಳುತ್ತಿದ್ದಾರೆ ಎಂದು `ಯೂನಿಯನ್ ಫಾರ್ ಕ್ಯಾನ್ಸರ್ ಕಂಟ್ರೋಲ್’ ತಿಳಿಸಿದೆ. ಹಾಗಾಗಿ ಈ ಮಾರಣಾಂತಿಕ ರೋಗದ ಬಗ್ಗೆ ಜಾಗೃತಿ ಮೂಡಿಸುವುದು ಈ ದಿನದ ಆಚರಣೆಯ ಮುಖ್ಯ ಉದ್ದೇಶವಾಗಿದೆ. ಜಾಗತಿಕವಾಗಿ ಇರುವ ಅಸಮಾನತೆಯನ್ನು ಹೋಗಲಾಡಿಸಿ ಕ್ಯಾನ್ಸರ್ ರೋಗಿಗಳಲ್ಲಿ ಜೀವನೋತ್ಸಾಹ ತುಂಬುವ ಗುರಿಯನ್ನು ಹೊಂದಲಾಗಿದೆ.
ವಿಶ್ವ ಆರೋಗ್ಯ ಸಂಸ್ಥೆಯ ಪ್ರಕಾರ ಕ್ಯಾನ್ಸರ್ ಸಾವಿನ ಎರಡನೇ ಪ್ರಮುಖ ಕಾರಣವಾಗಿದೆ. ಜಾಗತಿಕವಾಗಿ ಕ್ಯಾನ್ಸರ್ ರೋಗವು ಬೆಳೆಯುತ್ತಲೆ ಇದೆ. ಅದಾಗ್ಯೂ ಸುಧಾರಿತ ರೋಗನಿರ್ಣಯ ಮತ್ತು ಚಿಕಿತ್ಸೆಯ ಸಹಾಯದಿಂದ ಬದುಕುಳಿಯುವಿಕೆಯ ಪ್ರಮಾಣ ಸುಧಾರಿಸುತ್ತಿದೆ. `ನಿಯಮಿತ ಸ್ಕ್ರೀನಿಂಗ್ ಗಳು ಮತ್ತು ಆರಂಭಿಕ ಪತ್ತೆಹಚ್ಚುವಿಕೆ’ ಬದುಕುಳಿಯು ವಿಕೆಯ ಪ್ರಮಾಣವನ್ನು ಸುಧಾರಿಸಲು ಸಹಾಯ ಮಾಡುವ ಎರಡು ಪ್ರಮುಖ ಅಂಶವಾಗಿವೆ.
ಕ್ಯಾನ್ಸರ್ ನ ವಿಧಗಳು : ಕ್ಯಾನ್ಸರ್ ದೇಹದ ಯಾವುದೇ ಅಂಗ/ ಅಂಗಾಶಯದ ಮೇಲೆ ಪರಿಣಾಮ ಬೀರುವ ರೋಗಗಳ ಒಂದು ದೊಡ್ಡ ಗುಂಪು. ಇದು ಅನಿಯಂತ್ರಿಕವಾಗಿ ವಿಭಜಿಸುವ ಜೀವಕೋಶಗಳ ಅಸಹಜ ಬೆಳವಣಿಗೆಯನ್ನು ಸೂಚಿಸುತ್ತದೆ. ಕ್ಯಾನ್ಸರ್ ಒಂದು ದೇಹದ ಭಾಗ/ ಅಂಗ/ ಅಂಗಾಶಯದಿಂದ ಇನ್ನೊಂದಕ್ಕೆ ಹರಡುವ ಸಾಮರ್ಥ್ಯ ವನ್ನು ಹೊಂದಿದೆ.
ಕ್ಯಾನ್ಸರ್ ನಲ್ಲಿ ಸುಮಾರು ನೂರಕ್ಕಿಂತಲೂ ಹೆಚ್ಚು ವಿಧಗಳಿವೆ. ಅವುಗಳಲ್ಲಿ ಸಾಮಾನ್ಯವಾದವು ಚರ್ಮದ ಕ್ಯಾನ್ಸರ್, ಸ್ತನ ಕ್ಯಾನ್ಸರ್, ಕೊಲೊರೆಕ್ಟಲ್ ಕ್ಯಾನ್ಸರ್, ಮೆಲನೋಮ, ಲಿಂಫೋಮ ಕ್ಯಾನ್ಸರ್, ಮೂತ್ರಪಿಂಡದ ಕ್ಯಾನ್ಸರ್ ಗಳಾಗಿವೆ. ಭಾರತದಲ್ಲಿ ಬಾಯಿ , ಗರ್ಭಾಶಯ ಮತ್ತು ಸ್ತನ ಕ್ಯಾನ್ಸರ್ ಹೆಚ್ಚಾಗಿ ಕಂಡು ಬರುತ್ತದೆ ಎಂದು ವರದಿ ಹೇಳಿದೆ.
ತಂಬಾಕು ಸೇವನೆ ಮತ್ತು ಕ್ಯಾನ್ಸರ್ : ತಂಬಾಕು ಸೇವನೆಯು ಕ್ಯಾನ್ಸರ್ ನಿಂದಾಗಿ ಸಾಯುವ ಮೂರನೆಯ ಒಂದು ಭಾಗದಷ್ಟು ಸಾವುಗಳಿಗೆ ಕಾರಣವಾಗಿದೆ. ಇದರ ಅಪಾಯಕಾರಿ ಅಂಶಗಳೆಂದರೆ, ಅಧಿಕ ಬಾಡಿ ಮಾಸ್ ಇಂಡೆಕ್ಸ್, ಆಲ್ಕೋಹಾಲ್ ಸೇವನೆ, ಕುಟುಂಬದ ಇತಿಹಾಸ, ಕೆಲವು ಆರೋಗ್ಯ ಪರಿಸ್ಥಿತಿಗಳು, ಪರಿಸರ, ಕೆಲವು ವೈರಸ್ ಗಳಿಂದಾಗುವ ಸೋಂಕುಗಳು ಮತ್ತು ಹೆಚ್ಚಿನವು.
ಕ್ಯಾನ್ಸರ್ ಉಂಟು ಮಾಡುವ ಆಹಾರ ಪದಾರ್ಥಗಳು :
. ಬಿಳಿ ಹಿಟ್ಟು
. ಮೈಕ್ರೋವೇವ್ ಆಹಾರ ಉತ್ಪನ್ನಗಳು
.ಆಲ್ಕೋಹಾಲ್ ಸೇವನೆ
. ಪೂರ್ವಸಿದ್ಧ ಆಹಾರ ಉತ್ಪನ್ನಗಳು
. ಕೆಂಪು ಮಾಂಸ . ಸೋಡಾಸ್
. ಉಪ್ಪಿನಕಾಯಿ ಆಹಾರ
ಕ್ಯಾನ್ಸರ್ ಅಪಾಯವನ್ನು ಕಡಿಮೆ ಮಾಡಲು ಕ್ಯಾನ್ಸರ್ ವಿರುದ್ಧ ಹೋರಾಡುವ ಆಹಾರಗಳು : ಸೇಬುಗಳು, ಬೆಳ್ಳಿ ಹಣ್ಣುಗಳು,ಕ್ರೂರಿಫೆರಸ್ ತರಕಾರಿಗಳು,ಕ್ಯಾರೆಟ್, ಕೊಬ್ಬಿನ ಮೀನು, ವಾಲ್ನಟ್ಸ್, ದ್ವಿದಳ ಧಾನ್ಯಗಳು, ದ್ರಾಕ್ಷಿ, ಡಾರ್ಕ್ ಚಾಕೊಲೇಟ್, ಆಲಿವ್ ಎಣ್ಣೆ…,
ವಿಶ್ವ ಕ್ಯಾನ್ಸರ್ ದಿನದ ಗುರಿಗಳು :
. ಕ್ಯಾನ್ಸರ್ ನಿಂದ ಉಂಟಾಗುವ ಅನಾರೋಗ್ಯ – ಮರಣವನ್ನು ಕಡಿಮೆ ಮಾಡುವುದು.
. ಕ್ಯಾನ್ಸರ್ ನಿಂದ ತಡೆಯಬಹುದಾದ ಸಂಕಟವನ್ನು ಕೊನೆಗೊಳಿಸುವುದು.
. ಕ್ಯಾನ್ಸರ್ ಬಗ್ಗೆ ಜಾಗೃತಿ ಮೂಡಿಸುವುದು.
. ಕ್ಯಾನ್ಸರ್ ನಿಂದ ಪೀಡಿತರಿಗೆ ಬೆಂಬಲ ನೀಡುವುದು.
. ಕ್ಯಾನ್ಸರ್ ನ ಪತ್ತೆ, ಚಿಕಿತ್ಸೆ,ತಡೆಗಟ್ಟುವಿಕೆಗಾಗಿ ಉತ್ತೇಜನ ನೀಡುವುದು.
ವಿಶ್ವ ಕ್ಯಾನ್ಸರ್ ದಿನದಂದು ಪ್ರತಿಯೊಬ್ಬರೂ, ಕ್ಯಾನ್ಸರ್ ಮುಕ್ತ ಆರೋಗ್ಯಕರ ಮತ್ತು ಪ್ರಕಾಶಮಾನವಾದ ಜಗತ್ತನ್ನು ಸಾಧಿಸಲು , ಜಾಗೃತಿ ಮೂಡಿಸಲು ಸಾರ್ವಜನಿಕ ಕಾರ್ಯಕ್ರಮಗಳು, ಜಾಗೃತಿ ಅಭಿಯಾನಗಳು ಮತ್ತು ಶೈಕ್ಷಣಿಕ ಕಾರ್ಯಕ್ರಮಗಳಂತಹ ವಿವಿಧ ಕಾರ್ಯಕ್ರಮಗಳನ್ನು ನಡೆಸುವ ಮೂಲಕ ಈ ಮಾರಣಾಂತಿಕ ಮಹಾಮಾರಿಯಿಂದ ಪಾರಾಗೋಣ.
ಕೊನೆಯಲ್ಲಿ, ನಿರ್ದಿಷ್ಟ ಆಹಾರಗಳ ಸೇವನೆ ಯೊಂದಿಗೆ ಕ್ಯಾನ್ಸರ್ ಅಪಾಯವು ಹೆಚ್ಚಾಗಬಹುದು. ಆದ್ದರಿಂದ ಸಿಹಿತಿಂಡಿ, ಮದ್ಯಪಾನ,ಸಂಸ್ಕರಿಸಿದ ಮತ್ತು ಕೆಂಪು ಮಾಂಸಗಳು ಮತ್ತು ತ್ವರಿತ ಆಹಾರದ ಸೇವನೆಯನ್ನು ಮಿತಿಗೊಳಿಸಲು ಪ್ರಯತ್ನಿಸುವುದು ಸೂಕ್ತವಾಗಿದೆ.
ಬದಲಾಗಿ, ನಿಮ್ಮ ಊಟ ಮತ್ತು ತಿಂಡಿಗಳಿಗಾಗಿ ಹಣ್ಣುಗಳು, ತರಕಾರಿಗಳು, ಧಾನ್ಯಗಳು, ನೇರ ಮಾಂಸದ ಸೇವನೆ, ಆರೋಗ್ಯಕರ ಕೊಬ್ಬು ಮತ್ತು ಕೊಬ್ಬಿನ ಡೈರಿಗಳಂತಹ ತಾಜಾ, ಸಂಪೂರ್ಣ ಆಹಾರವನ್ನು ಬೇಯಿಸಲು ಪ್ರಯತ್ನಿಸಿ. ಸ್ಥೂಲಕಾಯತೆ ಮತ್ತು ಟೈಪ್ 2 ಮಧುಮೇಹದ ಸಾಧ್ಯತೆಗಳು, ಕ್ಯಾನ್ಸರ್ ಅಪಾಯವನ್ನು ಹೆಚ್ಚಿಸುವ ಎರಡು ಕಾಯಿಲೆಗಳನ್ನು ಆರೋಗ್ಯಕರ ಸಮತೋಲಿತ ಆಹಾರವನ್ನು ಸೇವಿಸುವ ಮೂಲಕ ಕಡಿಮೆ ಮಾಡಬಹುದು.
ನಾಳೆ ಆರೋಗ್ಯಕರವಾಗಿರಲು – ಈಗಲೇ ಪ್ರಾರಂಭಿಸೋಣ
– ಡಾ. ಜಿ.ವಿ. ಪ್ರಮೋದ್,
ಡಾ. ದೀಪಶ್ರೀ ಪ್ರಮೋದ್ ಗುಜ್ಜರ್, ದಾವಣಗೆರೆ.