ಇಂದು ಸಂಜೆ 6.30ಕ್ಕೆ ಕುವೆಂಪು ಕನ್ನಡ ಭವನದಲ್ಲಿ ಬಳ್ಳಾರಿ ಜಿಲ್ಲೆಯ ಸಿರಿಗೆರೆಯ ಧಾತ್ರಿ ರಂಗ ಸಂಸ್ಥೆಯ ಕಲಾವಿದರು  `ಶ್ರೀ ಕೃಷ್ಣ ಸಂಧಾನ’  ನಗೆ ನಾಟಕ ಅಭಿನಯಿಸುವರು. ನಿಟುವಳ್ಳಿ ಭೀಮೇಶ್ ಹಾಲೋಳ್ ಎನ್. ನಾಟಕ ನಿರ್ದೇಶಿಸಿದ್ದಾರೆ. 

ವೃತ್ತಿ ರಂಗಭೂಮಿ ರಂಗಾಯಣದ ನಿರ್ದೇಶಕ ಮಲ್ಲಿಕಾರ್ಜುನ ಕಡಕೋಳ ಉದ್ಘಾಟಿಸುವ ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಜಿಲ್ಲಾ ಕಸಾಪ ಅಧ್ಯಕ್ಷ
ಬಿ.ವಾಮದೇವಪ್ಪ ವಹಿಸುವರು. 

 ವೃತ್ತಿ ರಂಗಭೂಮಿ ರಂಗಾಯಣದ ವಿಶೇಷ ಅಧಿಕಾರಿ ರವಿಚಂದ್ರ ಮತ್ತು ರಂಗ ಅನಿಕೇತನ ತಂಡದ ಮುಖ್ಯಸ್ಥರಾದ ಸುಧಾ ಹೆಚ್.ಎನ್ ಉಪಸ್ಥಿತರಿರುವರು. ವೃತ್ತಿ ರಂಗಭೂಮಿ ರಂಗಾಯಣ, ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ತು ಮತ್ತು ರಂಗ ಅನಿಕೇತನ ಇವರ ಸಂಯುಕ್ತಾಶ್ರಯದಲ್ಲಿ ಪ್ರದರ್ಶಿಸಲ್ಪಡುವ ನಾಟಕ ವೀಕ್ಷಿಸಲು ಉಚಿತ ಪ್ರವೇಶವಿರುತ್ತದೆ.