ದಾವಣಗೆರೆ, ನ. 3- ಹಿರಿಯ  ಪತ್ರಕರ್ತ, ಪ್ರಗತಿಪರ ಚಿಂತಕ ವಿ.ಟಿ. ಸುಂದರ್ ನಿಧನಕ್ಕೆ ಎಐಟಿಯುಸಿ ಸಂತಾಪ ವ್ಯಕ್ತಪಡಿಸಿದೆ.

ವಿ.ಟಿ. ಸುಂದರ್, ಮಾಜಿ ಶಾಸಕ ಕಾಂ. ಪಂಪಾಪತಿ ಮತ್ತು ಮಾಜಿ ನಗರಸಭಾ ಅಧ್ಯಕ್ಷರಾಗಿದ್ದ ಕಾಂ. ಹೆಚ್ ಕೆ ರಾಮಚಂದ್ರಪ್ಪನವರ ಒಡನಾಡಿಗಳಾಗಿದ್ದರು. 

ಪಂಪಾಪತಿ ಅವರು ಶಾಸಕರಾಗಿ ದ್ದಾಗ ಅವರಿಗೆ ಸಹಾಯಕರಾಗಿ ದಾವಣಗೆರೆ ಮತ್ತು ಬೆಂಗಳೂರಿನಲ್ಲಿ ಕಾರ್ಯ ನಿರ್ವಹಿಸುತ್ತಿದ್ದರು. ಜೊತೆಗೆ ಪಕ್ಷದ ದಾವಣಗೆರೆ ಕಛೇರಿಯನ್ನು ನಿರ್ವಹಿಸುತ್ತಿದ್ದರು.

ಸುಂದರ್‌ ನಿಧನಕ್ಕೆ ಭಾರತ ಕಮ್ಯುನಿಸ್ಟ್ ಪಕ್ಷದ ಜಿಲ್ಲಾ ಮಂಡಳಿ ಶ್ರದ್ಧಾಂಜಲಿ ಅರ್ಪಿಸಿದೆ ಎಂದು ಸಿಪಿಐ ಜಿಲ್ಲಾ ಕಾರ್ಯದರ್ಶಿ ಕಾಂ. ಆವರಗೆರೆ ಚಂದ್ರು ತಿಳಿಸಿದ್ದಾರೆ.