ದಾವಣಗೆರೆ, ಅ.21- ನಗರದ ಆರ್‌.ಎಂ.ಸಿ ರಸ್ತೆಯ ಮಂಜುನಾಥ ದೇವಸ್ಥಾನದ ಹಿಂಭಾಗದಲ್ಲಿರುವ ಕೊಟ್ರೇಶ್‌ ಆಚಾರಿ ಅವರ ಮನೆ ಕಳ್ಳತನ ಪ್ರಕರಣಕ್ಕೆ ಸಂಬಂಧಿಸಿದಂತೆ ಪೊಲೀಸರು ಇಬ್ಬರು ಅಂತರ್‌ ರಾಜ್ಯ ಕಳ್ಳರನ್ನು ಬಂಧಿಸಿದ್ದಾರೆ. ಬಂಧಿತರಿಂದ ಅಂದಾಜು 4.2 ಲಕ್ಷ ರೂ. ಬೆಲೆ ಬಾಳುವ 57 ಗ್ರಾಂ ತೂಕದ ಬಂಗಾರದ ಆಭರಣ ಹಾಗೂ 535 ಗ್ರಾಂ ತೂಕದ ಬೆಳ್ಳಿ ಆಭರಣಗಳು ಮತ್ತು 91 ಸಾವಿರ ನಗದು ವಶಪಡಿಸಿಕೊಂಡಿದ್ದಾರೆ.

ಓರಿಸ್ಸಾ ರಾಜ್ಯದ ಸಂಬಲ್‌ಪುರ ಜಿಲ್ಲೆಯ, ಅತಾವೀರ ಗ್ರಾಮದ ನಂದಿನಿ , ರುವಿ ಬಂಧಿತ ಆರೋಪಿಗಳಾಗಿದ್ದಾರೆ. ಆರ್.ಎಂ.ಸಿ ಯಾರ್ಡ್ ಠಾಣೆಯ ಪಿಎಸ್ಐ ಸಚಿನ್ ಬಿರಾದಾರ್, ಪಿಎಸ್ಐ ಪುಷ್ಪಲತಾ ಮತ್ತು ಸಿಬ್ಬಂದಿ ಆರ್‌. ಮಂಜುನಾಥ, ಸೈಯದ್ ಅಲಿ, ಮಂಜುನಾಥ, ಕರಿಬಸಪ್ಪ, ಕವಿತಾ ಪೂರದ್, ಶಾಹಿನಾ ಬಾನು ಪ್ರಕರಣ ಭೇದಿಸುವಲ್ಲಿ ಯಶಸ್ವಿಯಾಗಿದ್ದಾರೆ.