ದಾವಣಗೆರೆ, ಅ.4- ತ್ರಿಕೂಟಾಚಲ ಸೇವಾ ಟ್ರಸ್ಟ್‌ನಿಂದ ಕೋಡಿಹಳ್ಳಿ ರಸ್ತೆಯಲ್ಲಿರುವ ತ್ರಿಕೂಟಾಚಲ ದೇವಾಲಯದಲ್ಲಿ ನವರಾತ್ರಿ ಅಂಗವಾಗಿ ಇದೇ ದಿನಾಂಕ 12 ರವರೆಗೆ ಐತಿಹಾಸಿಕ ಲೋಕನಾಯಕಿ ಲೋಕಿಕೆರೆಯ ಶ್ರೀ ವಿಜಯದುರ್ಗ ಪರಮೇಶ್ವರಿ, ಉಮಾ ಮಹೇಶ್ವರಿ, ಲಕ್ಷ್ಮೀ ವೆಂಕಟೇಶ್ವರ ತ್ರಿಕೂಟಾಚಲ ಅಮ್ಮನವರ 9 ದಿನಗಳ ಉತ್ಸವ ನಡೆಯಲಿದೆ. ಪ್ರತಿ ನಿತ್ಯ ದೇವಿಗೆ ವಿಶೇಷ ಪೂಜೆ. ಅಲಂಕಾರ, ಅಭಿಷೇಕ, ಕುಂಕುಮಾರ್ಚನೆ, ಕ್ಷೀರಾಭಿಷೇಕ ಮತ್ತು ಅನ್ನ ಸಂತರ್ಪಣೆ ಏರ್ಪಡಿಸಲಾಗಿದೆ.

ನಾಡಿದ್ದು ದಿನಾಂಕ 6 ರಂದು ರಾಜ್ಯಪ್ರಶಸ್ತಿ ಪುರಸ್ಕಾರ ಪಡೆದ ಯುಗಧರ್ಮ ರಾಮಣ್ಣ ಇವರಿಂದ ತತ್ವಪದಗಳ ಗಾಯನ ನಡೆಯಲಿದ್ದು, ಟಿವಿ ಧಾರಾವಾಹಿ ನಟ ದಾಗಿನಕಟ್ಟೆ ಸಿದ್ದಪ್ಪನವರಿಂದ ಭಕ್ತಿಗೀತೆಗಳ ಕಾರ್ಯಕ್ರಮವಿದೆ ಎಂದು ಧರ್ಮದರ್ಶಿ ಕತ್ತಲಗೆರೆ ತಿಪ್ಪಣ್ಣ ತಿಳಿಸಿದ್ದಾರೆ.