ದಾವಣಗೆರೆ, ಸೆ. 22 – ಜಿಲ್ಲಾ ಶರಣ ಸಾಹಿತ್ಯ ಪರಿಷತ್‌ ವತಿಯಿಂದ ಆನ್‌ಲೈನ್‌ನಲ್ಲಿ ಶರಣ ಚಿಂತನ ಗೋಷ್ಠಿ-ಸಂಚಿಕೆ 15 ನಾಡಿದ್ದು ದಿನಾಂಕ 24 ರ ಮಂಗಳವಾರ ಸಂಜೆ 7 ರಿಂದ 9ರವರೆಗೆ ನಡೆಯಲಿದೆ.
ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಪರಿಷತ್ತಿನ ಜಿಲ್ಲಾಧ್ಯಕ್ಷ ಕೆ.ಬಿ.ಪರಮೇಶ್ವರಪ್ಪ ವಹಿಸಲಿದ್ದು, ಅನುಭಾವ ಉಪನ್ಯಾಸಕ ಡಾ. ಜಿ.ವಿ. ಮಂಜುನಾಥ ಅಷ್ಟಾವರಣದಲ್ಲಿ ಗುರು ಲಿಂಗ ಜಂಗಮ ವಿಷಯ ಮಂಡಿಸುವರು. ವಚನ ಪ್ರಾರ್ಥನೆ ಕಾರ್ಯದರ್ಶಿ ಬಿ.ಟಿ. ಪ್ರಕಾಶ್‌, ಸ್ವಾಗತ ಖಜಾಂಚಿ ಆರ್‌. ಸಿದ್ದೇಶಪ್ಪ, ಶರಣು ಸಮರ್ಪಣೆ ಕಾರ್ಯಕಾರಿ ಸಮಿತಿ ಸದಸ್ಯ ಜಿ.ಎಂ. ಕುಮಾರಪ್ಪ, ಭರಮ್ಮಪ್ಪ ಮೈಸೂರು ನಿರೂಪಿಸುವರು.