ರಾಣೇಬೆನ್ನೂರು, ಜೂ.28-  100 ಮಹಿಳೆಯರಿಗೆ ಸ್ವಗ್ರಾಮದಲ್ಲಿಯೇ ಗೃಹ ಮತ್ತು ಸೂಕ್ಷ್ಮ ಕೈಗಾರಿಕೆಗಳಿಂದ ಉದ್ಯೋಗ ಸೃಷ್ಟಿಸುವ ಆಹಾರ ಸಂಸ್ಕರ ಣಾದಾರರ ಮಹಿಳಾ ಸಹಕಾರ ಸಂಘಗಳ ನೋಂದಣಿ ಪ್ರಮಾಣ ಪತ್ರಗಳನ್ನು ವಿತರಿಸುವ ಸಮಾರಂಭವು ನಾಡಿದ್ದು ದಿನಾಂಕ  30 ರ ಭಾನುವಾರ ನಗರದ ಎಪಿಎಂಸಿ ಸಮುದಾಯ ಭವನದಲ್ಲಿ ನಡೆಯಲಿದ್ದು,  ಸಚಿವ ಶಿವಾನಂದ ಪಾಟೀಲ, ಶಾಸಕ ಪ್ರಕಾಶ ಕೋಳಿವಾಡ  ಆಗಮಿಸುವರು ಎಂದು ಒಕ್ಕೂಟದ ಪ್ರವರ್ತಕಿ  ರುಕ್ಮಿಣಿ ಸಾವುಕಾರ ತಿಳಿಸಿದರು. ಮನೆಯಲ್ಲಿ ಹಪ್ಪಳ, ಸಂಡಿಗೆ, ಇತರೆ ಖಾದ್ಯ ಪದಾರ್ಥಗಳು, `ರೆಡಿ ಟೂ ಕುಕ್’ ಪದಾರ್ಥಗಳ ಗೃಹ ಕೈಗಾರಿಕೆಗಳು  ಕೃಷಿ ನಂತರ ಹೆಚ್ಚು ಉದ್ಯೋಗ ಸೃಷ್ಟಿಸುತ್ತವೆ. ತಾಲ್ಲೂಕಿನ 25 ಗ್ರಾಮಗಳಲ್ಲಿ ಈ ಸಹಕಾರಿ ಸಂಘಗಳನ್ನು ಸ್ಥಾಪಿಸಲು ಶೇರು ಸಂಗ್ರಹಿಸಿ ಸಹಾಯಕ ನಿಬಂಧಕರಿಗೆ ಪ್ರಸ್ತಾವನೆ ಸಲ್ಲಿಸಲಾಗಿದ್ದು ಅಂದು ಸಂಘಗಳ ಪ್ರಮಾಣ ಪತ್ರ ಕೊಡಲಾಗುವುದು ಎಂದು ರುಕ್ಮಿಣಿ ತಿಳಿಸಿದರು.