ದಾವಣಗೆರೆ, ಜು.11- ಮೈಸೂರು ಜಿಲ್ಲೆ ಟಿ.ನರಸಿಪುರದಲ್ಲಿ ಸಂಭವಿಸಿರುವ ನಾಯಕ ಜನಾಂಗದ ಯುವಕ ವೇಣುಗೋಪಾಲನ ಹತ್ಯೆ ಪ್ರಕರಣ ವನ್ನು ಸಿಓಡಿ ತನಿಖೆಗೆ  ಒಪ್ಪಿಸುವಂತೆ  ನಾಯಕ ಸಮಾಜ ಮತ್ತು ಜೆಡಿಎಸ್ ಮುಖಂಡ ಎಂ.ಎನ್.ನಾಗರಾಜ್ ಒತ್ತಾಯಿಸಿದ್ದಾರೆ. 

ಹತ್ಯೆ ಮಾಡಿದವರನ್ನು ಕೂಡಲೇ ಬಂಧಿಸಬೇಕು, ಮೃತನ ಪತ್ನಿಗೆ  ಸರ್ಕಾರಿ ನೌಕರಿ ಮತ್ತು 25 ಲಕ್ಷ ರೂ. ಪರಿಹಾರ ನೀಡಬೇಕು. ಈ ಹತ್ಯೆಯನ್ನು ರಾಜಕೀಯಕ್ಕೆ ಬಳಸಬಾರದು. ರಾಜ್ಯ ಮತ್ತು ರಾಷ್ಟ್ರೀಯ ಹಿಂದುಳಿದ ವರ್ಗಗಳ ಆಯೋಗವು ಪರಿಹಾರ ಮತ್ತು ಕಾನೂನು ಕ್ರಮ ತೆಗೆದುಕೊಳ್ಳಬೇಕು ಎಂದು ನಾಗರಾಜ್ ಆಗ್ರಹಿಸಿದ್ದಾರೆ.