ಹರಿಹರ ಕ್ಷೇತ್ರ ಪಾಲಕ ಹರಿಹರೇಶ್ವರ ಸ್ವಾಮಿಯ ಬ್ರಹ್ಮ ರಥೋತ್ಸವವು ಇದೇ ದಿನಾಂಕ 12ಕ್ಕೆ ಜರುಗಲಿದ್ದು, ರಥೋತ್ಸವ ನಿಮಿತ್ಯ ಈಗಾಗಲೇ ವಿವಿಧ ಪೂಜಾ ಪದ್ಧತಿಗಳು ಆರಂಭವಾಗಿವೆ.

ಇಂದಿನಿಂದ ಇದೇ ದಿನಾಂಕ 13ರ ವರೆಗೆ ಕ್ಷೇತ್ರದ ಪರಂಪರೆಯ ಪ್ರಕಾರ ಫೂಜೆಗಳು ನಡೆಯಲಿದ್ದು, ಫೆ.12ರ ಬುಧವಾರ ಬೆಳಗ್ಗೆ 10.25ಕ್ಕೆ ಮೇಷ ಲಗ್ನದಲ್ಲಿ ಸ್ವಾಮಿಯ ಬ್ರಹ್ಮ ರಥೋತ್ಸವ ನಡೆಯುತ್ತದೆ.

ಇಂದು ಬೆಳಿಗ್ಗೆ ಗಣಪತಿ ಪೂಜೆ, ರುದ್ರಾಭಿಷೇಕ, ಅಲಂ ಕಾರ, ಸ್ಥಾಪಿತ ದೇವತಾ ಪೂಜಾ, ಜಪ-ಹೋಮ ಮತ್ತು ಬಲಿ ದಾನ ಇತ್ಯಾದಿಗಳು ಇದೇ ದಿನಾಂಕ 13ರ ವರೆಗೆ ನಡೆಯಲಿವೆ. ಇಂದು ಸಂಜೆ ಪಂಚೋಪಚಾರ ಪೂಜೆ, ಬಲಿದಾನ `ಗರುಡೋತ್ಸವ’ ಮತ್ತು ನಿತ್ಯ ಸೇವಾದಿಗಳು ನಡೆಯಲಿವೆ.

ನಾಳೆ ಭಾನುವಾರ ಸಂಜೆ ಪಂಚೋಪಚಾರ ಪೂಜೆ, ಬಲಿ ದಾನ `ಹನುಮೋತ್ಸವ’, ಫೆ.10ರ ಸಾಯಂಕಾಲ ಪಂಚೋಪ ಚಾರ ಪೂಜಾ, ಬಲಿದಾನ `ಅಶ್ವೋತ್ಸವ’ ನಡೆಯಲಿದೆ. ರಾತ್ರಿ 8.35ಕ್ಕೆ `ಹರಿಹರೇಶ್ವರ ಸ್ವಾಮಿಯ ಕಲ್ಯಾಣೋತ್ಸವ’ ಮಂತ್ರ ಪುಷ್ಪ, ಮಹಾಮಂಗಳಾರತಿ ನಡೆಯಲಿದೆ.

ಫೆ.11ರ ಮಂಗಳವಾರ ಸಂಜೆ `ಗಜೋತ್ಸವ’ ನಡೆಯಲಿದೆ. ಫೆ.13ರ ಗುರುವಾರ ಗಣಪತಿ ಪೂಜಾ, ರುದ್ರಾಭಿಷೇಕ, ಕಂಕಣ ವಿಸರ್ಜನೆ, ಧ್ವಜಾ ವಿಸರ್ಜನೆ, ಅವಭೃತ ಸ್ನಾನಗಳೊಂದಿಗೆ ಉತ್ಸವಾದಿಗಳು ಪೂರ್ಣಗೊಳ್ಳಲಿವೆ. ಅದೇ ದಿನ ಸಂಜೆ 6ಕ್ಕೆ ನಟರಾಜ ನಾಟ್ಯ ಕೇಂದ್ರದ ಕಲಾವಿದರಿಂದ `ಭರತ ನಾಟ್ಯ ಕಾರ್ಯಕ್ರಮ’ ಹರಿಹರದ ಶ್ರೀನಿಧಿ ಅವರಿಂದ `ವೀಣಾ ವಾದನ’ ನಡೆಯಲಿದೆ.