ಹೊನ್ನಾಳಿ,ಜ.28- ಚೀಲೂರು ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರ ಸಂಘದ ನೂತನ ಅಧ್ಯಕ್ಷರಾಗಿ ಡಿ.ಎನ್.ರವಿಕುಮಾರ್ ಮತ್ತು ಉಪಾಧ್ಯಕ್ಷರಾಗಿ ಪುಷ್ಪಾವತಿ ಅವಿರೋಧವಾಗಿ ಆಯ್ಕೆಯಾದರು.

ಚೀಲೂರು ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರ ಸಂಘದ ಸಭಾಂಗಣದಲ್ಲಿ ಮಂಗಳವಾರ ನಡೆದ ಚುನಾವಣೆಯಲ್ಲಿ ಅಧಿಕಾರಿಯಾಗಿ ಭಾಗವಹಿಸಿದ್ದ ಟಿ.ಉಷಾದೇವಿ ಈ ಆಯ್ಕೆಯನ್ನು ಘೋಷಿಸಿದರು.

ನೂತನ ಅಧ್ಯಕ್ಷ, ಉಪಾಧ್ಯಕ್ಷರನ್ನು ಮಾಜಿ ಸಚಿವ ಎಂ.ಪಿ.ರೇಣುಕಾಚಾರ್ಯ, ಸಂಘದ ನಿರ್ದೇಶಕರು ಗಳಾದ ಡಿ.ಜಿ.ವಿಶ್ವನಾಥ್, ಸಿ.ಎಲ್.ಸತೀಶ್, ಡಿ. ಈ.ಕರಿಬಸಪ್ಪ, ಸಿ.ಆರ್.ರಮೇಶ್, ಡಿ.ಎ.ಗಂಗಮ್ಮ, ಎಚ್.ಬಸವರಾಜಪ್ಪ, ಡಿ.ಎಸ್.ನಾಗರಾಜ್, ಆರ್.ಕುಮಾರ ನಾಯ್ಕ, ರವಿ, ಎಚ್.ಎಸ್.ಬಸವರಾಜಪ್ಪ, ಬಿಜೆಪಿ ತಾಲ್ಲೂಕು ಅಧ್ಯಕ್ಷ ನಾಗರಾಜ್ ಅರಕೆರೆ, ನಿಕಟಪೂರ್ವ ಅಧ್ಯಕ್ಷ ಜೆ.ಕೆ.ಸುರೇಶ್, ಮುಖಂಡರಾದ ಡಿ.ಜಿ.ರಾಜಪ್ಪ, ಅಜೇಯ್ ಹಾಗೂ ಇತರರು ಅಭಿನಂದಿಸಿದರು.