ಬಿ.ಜೆ. ಅನಂತಪದ್ಮನಾಭ ರಾವ್ 

ಭರಮಸಾಗರ ತರಳಬಾಳು ಹುಣ್ಣಿಮೆಗೆ ಎಲ್ಲಾ ರೀತಿಯಿಂದಲೂ ಸಿಂಗಾರವಾಗುತ್ತಿದೆ. ಸ್ಥಳವನ್ನು ವೀಕ್ಷಿಸಲು ನಿನ್ನೆ ಡಾ|| ಶಿವಮೂರ್ತಿ ಶಿವಾಚಾರ್ಯ ಸ್ವಾಮೀಜಿ ಭಕ್ತರ ಸಮೂಹದೊಂದಿಗೆ ನೋಡಿ ಬಹಳ ಸಂತೋಷವಾಯಿತು ಈ ಜಾಗವು ಅತ್ಯದ್ಭುತ  ವಾಗಿದೆ ಎಂದು ತುಂಬಾ ಹರ್ಷದಿಂದ ಹೇಳಿದರು. 

ಫೆಬ್ರವರಿ 4 ರಿಂದ 12 ರವರೆಗೆ ಹುಣ್ಣಿಮೆಯ ಆಚರಣೆಗೆ ಭರಮಸಾಗರದಲ್ಲಿ ಎಲ್ಲಾ ರೀತಿಯ ಸ್ವಚ್ಛತೆಗಾಗಿ ರಸ್ತೆಗಳ ರಿಪೇರಿ, ಹಳ್ಳ, ಗುಂಡಿಗಳನ್ನು ಮುಚ್ಚುವುದು, ವಿಶೇಷವಾಗಿ ವಿದ್ಯುತ್ ದೀಪ ನೂತನವಾಗಿ ಅಳವಡಿಕೆ ಮಾಡಿರುವುದು ಅಲ್ಲದೇ ಭರಮಸಾಗರ ದೊಡ್ಡ ಕೆರೆಯ ರಸ್ತೆಗೆ ಡಾಂಬರ್ ಹಾಕುವುದು ಇನ್ನೂ ವಿಶೇಷವಾಗಿ ಭರಮಸಾಗರ ಕಾರ್ಯಕ್ರಮಕ್ಕೆ ಸಿದ್ಧವಾಗುತ್ತಿದೆ.

ಕಾರ್ಯಕ್ರಮದ ಅಂಗವಾಗಿ ಶ್ರೀಗಳವರ ಸಲಹೆ ಯಂತೆ ಶಾಸಕ ಡಾ|| ಎಂ. ಚಂದ್ರಪ್ಪ ಅವರು ತಮ್ಮ ಕೆಲಸದಲ್ಲಿ ಹೆಚ್ಚು ಆಸಕ್ತಿ ವಹಿಸಿದ್ದಾರೆ. ಇತಿಹಾಸದಲ್ಲೇ ಇಂತಹ ಕಾರ್ಯಕ್ರಮ, ಬೃಹತ್ತಾದ ಮಂಟಪ ಈ ಮಂಟಪವು ಸುಮಾರು 250 ಎಕರೆ ಜಮೀನಿನಲ್ಲಿ ನಿರ್ಮಾಣವಾಗುತ್ತಿದೆ. ಈ ಒಂದು ಮಂಟಪ ತರಳಬಾಳು ಹುಣ್ಣಿಮೆಯ ಕಾರ್ಯಕ್ರಮವನ್ನು ಚೆನ್ನಾಗಿ ನಡೆಸಲು ಎಲ್ಲಾ ರೀತಿಯ ಸಿದ್ಧತೆಯನ್ನು ಅಕ್ಕ ಪಕ್ಕದ ಗ್ರಾಮಸ್ಥರು, ಭಕ್ತರು ಮಾಡುತ್ತಿದ್ದಾರೆ. 

ಭರಮಸಾಗರ ಕೆರೆ ನಿರ್ಮಾತೃ ಭರಮಣ್ಣ ನಾಯಕರ ಸ್ಮರಣೆಗಾಗಿ ಮಂಟಪಕ್ಕೆ ಬಿಚ್ಚುಗತ್ತಿ ಭರಮಣ್ಣ ನಾಯಕ ಮಹಾಮಂಟಪ ಎಂದೂ, ಮಹಾದ್ವಾರ ಹಾಗೂ ಇತರೆ ವೇದಿಕೆಗೆ
ಚಿನ್ಮೂಲಾದ್ರಿ ಗುರು ರೇವಣಸಿದ್ದೇಶ್ವರ ವೇದಿಕೆ ಎಂಬ ಹೆಸರುಗಳನ್ನು ಶ್ರೀಗಳು ಸಲಹೆ ನೀಡಿದರು. ಜಿಲ್ಲೆಯ ಇತಿಹಾಸದಲ್ಲಿ ದಾಖಲಾಗಲಿರುವ ಈ ಪ್ರಾಥಃ  ಸ್ಮರಣೆಯರನ್ನು ನೆನಪು ಮಾಡಿಕೊಳ್ಳುವುದು ತಮ್ಮ ಕರ್ತವ್ಯ ಎಂದರು. 

ದೇಶದ ಹಿತಕ್ಕಾಗಿ  ಹೋರಾಡುತ್ತಾ ವೀರ ಮರಣ ಹೊಂದಿರುವ 10 ಸೈನಿಕ ಕುಟುಂಬಕ್ಕೆ ನೆರವು ತಲಾ 1 ಲಕ್ಷ ರೂ. ಗಳನ್ನು ನೀಡಲಾಗುವುದು ಎಂದು ಶ್ರೀಗಳವರು ಈ ಸಂದರ್ಭದಲ್ಲಿ ಪ್ರಕಟ ಮಾಡಿದರು. ದೇಶ – ವಿದೇಶಗಳಿಂದ ವಿದ್ವಾಂಸರು, ಸಾಧಕರು ಮತ್ತು ರಾಜ ತಾಂತ್ರಿಕರು ಈ ಬಾರಿಯ ಹುಣ್ಣಿಮೆ  ಮಹೋತ್ಸವದಲ್ಲಿ ಭಾಗಿ ಯಾಗುತ್ತಿರುವುದರಿಂದ ಈ ಹುಣ್ಣಿಮೆಗೆ  ಅಂತರ ರಾಷ್ಟ್ರೀಯ ಮೆರಗು ಬರಲಿದೆ ಎಂದರು.

ತರಳಬಾಳು ಜಗದ್ಗುರು ಬೃಹನ್ಮಠವು ಕಳೆದ 76 ವರ್ಷಗಳಿಂದ ನಾಡಿನ ಒಳ ಹೊರಗೆ ನಡೆಸಿಕೊಂಡು ಬಂದಿರುವ ತರಳಬಾಳು ಹುಣ್ಣಿಮೆಯ ಮಹತ್ವವು ಒಂದು ನಾಡ ಹಬ್ಬವಾಗಿ ಸರ್ವಜನಾದರಣೆಯನ್ನು ಪಡೆದಿದೆ. 

ಈ ಕಾರ್ಯಕ್ರಮದಲ್ಲಿ ಶಿಕ್ಷಣ, ಕಲೆ, ಸಂಸ್ಕೃತಿ ಮಹಿಳೆ ಮತ್ತು ಸಮಾಜ, ರಾಜಕಾರಣ, ಶರಣ ಸಾಹಿತ್ಯ, ನ್ಯಾಯಾಲಯ, ಆರೋಗ್ಯ ಮತ್ತು ಸಮೂಹ ಮಾಧ್ಯಮ, ಕೃಷಿ ಮತ್ತು ಮತ್ತು ಜಲ ಸಂರಕ್ಷಣೆ, ಧರ್ಮ, ವಿಜ್ಞಾನ ಬಗ್ಗೆ ಮಾತನಾಡಲು ಅನುಭವಿಗಳನ್ನು, ಪರಿಣಿತರನ್ನು ಮತ್ತು ಪ್ರತಿಷ್ಠಿತ ವ್ಯಕ್ತಿಗಳನ್ನು ಆಹ್ವಾನಿಸಲಾಗುವುದು ಎಂದರು.

ಭರಮಸಾಗರದಲ್ಲಿ ನಡೆಯುವ ತರಳಬಾಳು ಹುಣ್ಣಿಮೆಯು 77ರ ಹುಣ್ಣಿಮೆಯಾಗಿದೆ. 

ಶ್ರೀ ತರಳಬಾಳು ಜಗದ್ಗುರು ಶ್ರೀ 1108 ಡಾ|| ಶಿವಮೂರ್ತಿ ಶಿವಾಚಾರ್ಯ ಮಹಾಸ್ವಾಮೀಜಿ ದಿವ್ಯ ಸಾನ್ನಿಧ್ಯದಲ್ಲಿ ಈ ತರಳಬಾಳು ಹುಣ್ಣಿಮೆಯ ಮಹೋತ್ಸವ ಈ ಹೊಸ ಆಯಾಮವನ್ನು ಪಡೆದಿದೆ. 

ನಾಗಲಕ್ಷ್ಮಿ ಚೌದರಿ, ನಿವೃತ್ತ ನ್ಯಾಯಾಧೀಶ ಸಂತೋಷ್ ಹೆಗಡೆ, ಜಯದೇವ ಆಸ್ಪತ್ರೆಯ ಡಾ. ಮಂಜುನಾಥ್, ಅಶೋಕ್ ಹಾರನಹಳ್ಳಿ, ಶಿಕ್ಷಣ ತಜ್ಞ ಡಾ. ಗುರುರಾಜ ಕರ್ಜಗಿ, ಹಿರೇಮಗಳೂರು ಕಣ್ಣನ್, ಹಾಸ್ಯ ಭಾಷಣಕಾರ ಸಂಧ್ಯಾ ಶೆಣೈ, ಬಿ.ವೈ. ವಿಜಯೇಂದ್ರ, ನ್ಯಾಯಮೂರ್ತಿ ಕೃಷ್ಣ ಎಸ್. ದೀಕ್ಷಿತ್, ನ್ಯಾಯಮೂರ್ತಿ ಪ್ರಭಾಕರ್ ಶಾಸ್ತ್ರೀ, ಡಾ|| ಪ್ರಭಾ ಮಲ್ಲಿಕಾರ್ಜುನ್, ಡಾ|| ಶರಣ ಪಾಟೀಲ್, ಪಬ್ಲಿಕ್ ಟಿವಿ ರಂಗನಾಥ್, ಟಿವಿ 9 ಮುಖ್ಯ ನಿರ್ಮಾಪಕ ರಂಗನಾಥ್ ಭಾರಧ್ವಾಜ್, ಯದುವೀರ್ ಕೃಷ್ಣ ದತ್ತ ಚಾಮರಾಜ ಒಡೆಯರ್, ಬಸವರಾಜ ಬೊಮ್ಮಾಯಿ, ಇನ್ನೂ ಅನೇಕ  ಗಣ್ಯ ವ್ಯಕ್ತಿಗಳು ಭಾಗವಹಿಸುವರು.

ಈ ತರಳಬಾಳು ಹುಣ್ಣಿಮೆ ನಡೆದ ಮುಂದಿನ  ದಿನಮಾನದಲ್ಲಿ ಭರಮಸಾಗರದ ಚಿತ್ರಣವೇ ಬದ ಲಾವಣೆಯಾಗುತ್ತದೆ. ಅಲ್ಲದೇ, ಶ್ರೀಗಳ  ಆಶೀ ರ್ವಾದದಿಂದ ಮುಂದಿನ ದಿನಗಳಲ್ಲಿ ತಾಲ್ಲೂಕು ರಚನೆಯಾಗುವುದರಲ್ಲಿ ಅನುಮಾನವೇ ಇಲ್ಲ ಎಂದು ಅನೇಕರು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.