ದಾವಣಗೆರೆ, ಜ.16- ಅದಮ್ಯ ಕಲಾ ಸಂಸ್ಥೆಯು ನಗರದ ರಾಜನಹಳ್ಳಿ ಸೀತಮ್ಮ ಪದವಿ ಪೂರ್ವ ಕಾಲೇಜಿನಲ್ಲಿ ಕನ್ನಡ ಸಂಸ್ಕೃತಿ ಇಲಾಖೆ ಹಾಗೂ ಅದಮ್ಯ ಆರ್ಟ್ಸ್ ಫೌಂಡೇಷನ್‌ ಸಹಯೋಗದೊಂದಿಗೆ ಕನ್ನಡ ಗೀತೆಗಳ ನುಡಿ ಹಬ್ಬ ಕಾರ್ಯಕ್ರಮ ಹಮ್ಮಿಕೊಂಡಿತ್ತು.

ಸಾಹಿತಿ ಹಾಗೂ ಹಿರಿಯ ಪತ್ರಕರ್ತ ಬಾಮ ಬಸವರಾಜ್ ಕಾರ್ಯಕ್ರಮವನ್ನು ಉದ್ಘಾಟಿಸಿದರು. ನಂತರ ಮಾತನಾಡಿದ ಅವರು, ಕನ್ನಡ ಭಾಷೆಯ ಹಿರಿಮೆ ಹಾಗೂ ಅದನ್ನು ಉಳಿಸಿ – ಬೆಳೆಸುವ ಬಗ್ಗೆ ಮಾತನಾಡಿದರು.

ವೀಣಾ ವಾದನ ಪೃಥ್ವಿ, ಸುಮಗ ಸಂಗೀತ ಕಾಂತರಾಜು (ಚಾಮರಾಜನಗರ), ಶ್ರೀ ವೀರೇಶ್ವರ ಪುಣ್ಯಾಶ್ರಮದ ಅರುಣ್ ಎಸ್.ತೋರವಳ್ಳಿ ಇವರುಗಳ ಹಾಡುಗಾರಿಗೆ ನೆರೆದವರ ಮನಸೊರೆಗೊಂಡಿತು. ಇವರಿಗೆ ಸದಾಶವ ಹೂಗಾರ್ ಅವರು ತಬಲಾ ಹಾಗೂ ಮಹಾಂತೇಶ್ ಗದಗ ಅವರು ಹಾರ್ಮೋನಿಯಂ ಸಾಥ್ ನೀಡಿದರು.

ಗುರುರಾಜ್ ಪೂಜಾರ್ ನಿರೂಪಿಸಿದರು. ಶ್ರೀಮತಿ ಗೀತಾ ಮಾಲತೇಶ್ ಸ್ವಾಗತಿಸಿದರು. ಅಧ್ಯಕ್ಷತೆಯನ್ನು ಡಾ. ಎ.ಎಂ.ಶಿವಕುಮಾರ್ ವಹಿಸಿದರು. ಮುಖ್ಯ ಅತಿಥಿಗಳಾಗಿ ರೆಡ್ ಕ್ರಾಸ್ ಸಂಸ್ಥೆಯ ಎ.ಜೆ.ರವಿಕುಮಾರ್,  ಸೀತಮ್ಮ ಕಾಲೇಜಿನ ಉಪ ಪ್ರಾಚಾರ್ಯ ಇನಾಯತ್ ವುಲ್ಲಾ, ಶ್ರೀ ಮಂಜಪ್ಪ ಸಂಸ್ಥೆಯ ಅನಿತಾ ಬಸವರಾಜ್ ಹಾಗೂ ಮತ್ತಿತರರು ಉಪಸ್ಥಿತರಿದ್ದರು.