ಜಗಳೂರು, ಡಿ.30- ತಾಲ್ಲೂಕಿನ ಬಸವನಕೋಟೆ ಗ್ರಾಮ ಪಂಚಾಯಿತಿ ನೂತನ ಅಧ್ಯಕ್ಷರಾಗಿ ಮರಿಯಮ್ಮ ಆಯ್ಕೆಯಾಗಿದ್ದಾರೆ.
ಅಧ್ಯಕ್ಷ ಸ್ಥಾನಕ್ಕೆ ಇಂದು ನಡೆದ ಚುನಾವಣೆಯಲ್ಲಿ ಮರಿಯಮ್ಮ ಹಾಗೂ ರೇಖಾ ತಿಮ್ಮೇಶ್ ಅವರು ನಾಮಪತ್ರ ಸಲ್ಲಿಸಿದ್ದರು. ಇಬ್ಬರ ಉಮೇದುವಾರಿಕೆ ಊರ್ಜಿತವಾಗಿತ್ತು. ಒಟ್ಟು 14 ಜನ ಸದಸ್ಯರಿದ್ದು, ಮರಿಯಮ್ಮ ಪರ 11ಮತಗಳು, ರೇಖಾ ತಿಮ್ಮೇಶ್ ಅವರಿಗೆ 3 ಮತಗಳು ಚಲಾಯಿಸಲ್ಪಟ್ಟಿದ್ದವು.
ಅಂತಿಮವಾಗಿ 8 ಮತಗಳ ಅಂತರ ದಿಂದ ಮರಿಯಮ್ಮ ಅವರು ಆಯ್ಕೆಯಾಗಿದ್ದಾರೆ ಎಂದು ಚುನಾವಣೆ ಅಧಿಕಾರಿಯಾಗಿ ಕಾರ್ಯನಿರ್ವಹಿಸಿದ ತೋಟಗಾರಿಕೆ ಇಲಾಖೆ ಸಹಾಯಕ ನಿರ್ದೇಶಕ ಪ್ರಭುಶಂಕರ್ ಘೋಷಿಸಿದರು.
ಸಂದರ್ಭದಲ್ಲಿ ಗ್ರಾ.ಪಂ.ಉಪಾಧ್ಯಕ್ಷೆ ನಗೀನಬಾನು, ಸದಸ್ಯರಾದ ಜ್ಯೋತಿಲಿಂಗಪ್ಪ, ರೇಖಾ ಕೊಟ್ರೇಶ್, ಮಂಜಮ್ಮ ಭೀಮಪ್ಪ, ದೇವರಾಜ್, ಜ್ಯೋತಿಲಿಂಗಪ್ಪ, ಶರಣಪ್ಪ, ಕೊಟ್ರೇಶಪ್ಪ, ಬಿ.ಟಿ.ಬಸವರಾಜ್, ಲಲಿತಮ್ಮ, ಯಲ್ಲಮ್ಮ ಮುಖಂಡರಾದ ಉದ್ದಬೋರನಹಳ್ಳಿ ಕೊಟ್ರೇಶ್, ಮಂಜುನಾಥ್, ಶಮಿವುಲ್ಲಾ, ಸುರೇಶ್, ಓಬಣ್ಣ, ಮಂಜಪ್ಪ, ಬಿ.ಟಿ.ಬಸವರಾಜ್ ಇದ್ದರು.