ದಾವಣಗೆರೆ, ಅ.21- ಹಾವೇರಿ ತಾಲ್ಲೂಕು ಸೋಮನಕಟ್ಟಿಯ ಸಾಹಿತಿ ವೀರನಗೌಡ ಪಾಟೀಲ ಅವರಿಗೆ `ಹೈ ವೈಬ್ ಬುಕ್ ಆಫ್ ವರ್ಲ್ಡ್‌ ರೆಕಾರ್ಡ್ಸ್’ ಎಂಬ ಪ್ರಶಸ್ತಿ ಲಭಿಸಿದೆ.

ವಿನೂತನ ಬರಹದಿಂದಾಗಿ ವಿಶ್ವದಾಖಲೆ ಪ್ರಶಸ್ತಿ ಪಡೆದಿದ್ದು, ಕನ್ನಡದಲ್ಲಿ ಮುಮ್ಮುಖ ಹಾಗೂ ಹಿಮ್ಮುಖವಾಗಿಯೂ ಓದಬಲ್ಲಂತಹ 5 ಸಾವಿರ ದ್ವಿಮುಖ ವಾಕ್ಯಗಳನ್ನು ರಚಿಸಿ ವಿಶ್ವ ದಾಖಲೆ ಪುಟ ಸೇರಿದ್ದಾರೆ. ಈ ವಾಕ್ಯಗಳನ್ನು ಎಡದಿಂದ ಹಾಗೂ ಬಲದಿಂದ ಓದಿದರೂ ಅರ್ಥ ಉಚ್ಚಾರಣೆ ಒಂದೇ ರೀತಿ ಇರುವುದು ಇವುಗಳ ವಿಶೇಷತೆಯಾಗಿದೆ.