ದಾವಣಗೆರೆ, ನ. 8 – ನಗರದ ಸ್ನೇಹ ಸಂಘದ ಆಶ್ರಯದಲ್ಲಿ 69ನೇ ವರ್ಷದ ಕನ್ನಡ ರಾಜ್ಯೋತ್ಸವವನ್ನು ಆಚರಿಸಲಾಯಿತು.

ಶ್ರೀ ಭುವನೇಶ್ವರಿ ಭಾವಚಿತ್ರಕ್ಕೆ ಮಾಲಾರ್ಪಣೆ ಯನ್ನು ಬಾಲಕ ಹರ್ಷದ್ ಮತ್ತು ಬುಜ್ಜಿ ಧ್ವಜಾರ ಹೋಣ ಮಾಡುವುದರ ಮೂಲಕ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದರು. ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದ ಸಂಘದ ಪ್ರಧಾನ ಕಾರ್ಯದರ್ಶಿ ಎಂ.ಪಿ. ಹುಲಿಗೇಶ್ ಅವರು ಕನ್ನಡ ನಾಡು ನುಡಿ ಬಗ್ಗೆ ಮಾತನಾಡಿದರು. ಅಧ್ಯಕ್ಷ ವೆಂಕಟೇಶ್ ಅವರು ಕೂಡ ಕನ್ನಡ ನಾಡು ನುಡಿಯ ಬಗ್ಗೆ ತಮ್ಮ ಅನಿಸಿಕೆಯನ್ನು ಹಂಚಿಕೊಂಡರು. ನಂತರ ಎಲ್ಲರಿಗೂ ಸಿಹಿ ವಿತರಣೆ ಮಾಡಲಾಯಿತು. ಈ ಸಂದರ್ಭದಲ್ಲಿ ಎಂ.ಡಿ. ರಫೀ, ಬಿ. ಶಿವಕುಮಾರ್, ಹೆಚ್. ಫಕೃಸಾಬ್, ದತ್ತಾತ್ರೇಯ ಜೋಶಿ, ಎಸ್. ಮಂಜುನಾಥ, ಸೈಫುಲ್ಲಾ, ರಮೇಶ್ .ಜೆ. ವತನ್, ಅಮೀನ್ ಸಾಬ್, ಪ್ರಕಾಶ್, ಜಿ.ವಿ. ಹುಸೇನ್ ಮತ್ತು ಕಾರ್ಯಕರ್ತರು, ಬಾಲಕರು ಉಪಸ್ಥಿತರಿದರು.