ಜಗಳೂರು, ನ.8- ದಾವಣಗೆರೆ ಜಿಲ್ಲೆಯಲ್ಲಿ ನಡೆಯುತ್ತಿರುವ ಮಾದಾರ ಚೆನ್ನಯ್ಯ ಜಯಂತಿ, ಮಾದಿಗರ ಜಿಲ್ಲಾ ಸಮಾವೇಶ ಹಾಗೂ ಸಾಮೂಹಿಕ ವಿವಾಹ ಕಾರ್ಯಕ್ರಮವನ್ನು ಹಮ್ಮಿಕೊಂಡಿರುವ ನಿಟ್ಟಿನಲ್ಲಿ ಜಗಳೂರಿಗೆ ತೆರಳಿ ಸಮಾವೇಶ, ಕಾರ್ಯಕ್ರಮದ ಬಗ್ಗೆ ಮುಖಂಡರುಗಳ ಜೊತೆ ಚರ್ಚಿಸಲಾಯಿತು.

ಈ ಸಂದರ್ಭದಲ್ಲಿ ಜಗಳೂರು ಶಾಸಕ ಚಿಕ್ಕಮ್ಮನಹಟ್ಟಿ ದೇವೇಂದ್ರಪ್ಪನವರ ಆದೇಶದ ಮೇರೆಗೆ, ಜಗಳೂರು ಕಾಂಗ್ರೆಸ್ ಸಮಿತಿ ಪರಿಶಿಷ್ಟ ಜಾತಿ ವಿಭಾಗದ ನೂತನ ಅಧ್ಯಕ್ಷರಾಗಿ ಮಹೇಶ್ ಅವರನ್ನು ಆಯ್ಕೆ ಮಾಡಿ ಕಾಂಗ್ರೆಸ್ ಪಕ್ಷ ಸಂಘಟನೆ ಮಾಡುವಂತೆ ಶುಭ ಕೋರಲಾಯಿತು.  ಈ ವೇಳೆ ಜಗಳೂರಿನ ಬ್ಲಾಕ್ ಅಧ್ಯಕ್ಷ ಷಂಶೀರ್, ಮುಖಂಡರಾದ  ಶಂಬಣ್ಣ, ಮಾಜಿ ಬ್ಲಾಕ್ ಅಧ್ಯಕ್ಷ ವೆಂಕಟೇಶ್, ಜಿಲ್ಲಾ ಕಾರ್ಯದರ್ಶಿ ರಾಕೇಶ್ ಜಿ., ಸಂಘಟನಾ ಕಾರ್ಯದರ್ಶಿ ಶಿವಮೂರ್ತಿ ಬಿ. ಆರ್. ಹಾಗೂ ಮುಖಂಡರು ಪಾಲ್ಗೊಂಡಿದ್ದರು.