ಮಲೇಬೆನ್ನೂರು, ನ.8- ಬೆಳ್ಳೂಡಿ ಗ್ರಾಮದ ಶ್ರೀ ಲಕ್ಷ್ಮಿ ವೆಂಕಟೇಶ್ವರ ಅನುದಾನಿತ ಹಿರಿಯ ಪ್ರಾಥಮಿಕ ಶಾಲೆ ಶಾಲೆಯ ಶಿಕ್ಷಕ ಮಂಜುನಾಥ ಕಡೇಮನಿ ಅವರು ತಮ್ಮ ಮಗ ಪ್ರಥಮ್ ಇವನ ಜನ್ಮದಿನದ ಪ್ರಯುಕ್ತ ಭಾನುವಳ್ಳಿಯ ಶ್ರೀ ಬಸವೇಶ್ವರ ಅನುದಾನಿತ ಹಿರಿಯ ಪ್ರಾಥಮಿಕ ಶಾಲೆಯ ಮಕ್ಕಳಿಗೆ ನೋಟಬುಕ್, ಮಗ್ಗಿಪುಸ್ತಕ ಹಾಗೂ ಲೇಖನ ಸಾಮಗ್ರಿಗಳನ್ನು ಕೊಡುಗೆಯಾಗಿ ನೀಡಿದರು. 

ಈ ಕಾರ್ಯಕ್ರಮದಲ್ಲಿ ಅನುದಾನಿತ ಪ್ರಾಥಮಿಕ ಶಾಲಾ ತಾ. ಘಟಕದ ಪ್ರಧಾನ ಕಾರ್ಯದರ್ಶಿ ವಿ.ಬಿ.ತಿಪ್ಪೇಶ್, ಎಲ್ಐಸಿ ಹರಿಹರ ಶಾಖೆಯ ವಿಮಾ ಸಲಹೆಗಾರರಾದ ಶ್ರೀಮತಿ ಸುಷ್ಮಾ ದೊಡ್ಡಮನಿ, ಭಾನುವಳ್ಳಿ ಶಿಕ್ಷಕ ರಾದ ಪಿ.ಲಕ್ಷ್ಮಪ್ಪ ಹಾಗೂ ಶಾಲೆಯ ಮುಖ್ಯ ಶಿಕ್ಷಕ ಲಕ್ಷ್ಮಣ್ ಕಮ್ಮಾರ್ ಮತ್ತು ಶಾಲಾ ಸಿಬ್ಬಂದಿ ವರ್ಗದವರು ಭಾಗವಹಿಸಿ
ಮೆಚ್ಚುಗೆ ವ್ಯಕ್ತಪಡಿಸಿದರು.