ದಾವಣಗೆರೆ, ನ. 3 – ಮೈಸೂರಿನಲ್ಲಿ `ಏನ್ ಟ್ಯಾಲೆಂಟ್ ಗುರು’ ಸೀಜನ್-1ರ ಅಡಿಯಲ್ಲಿ ಕಳೆದ ವಾರ ನಡೆದ ರಾಷ್ಟ್ರಮಟ್ಟದ ನೃತ್ಯ ಸ್ಪರ್ಧೆಯಲ್ಲಿ ಕು. ಎಂ.ವಿ. ಗುಣಶ್ರೀ ಅವರು ಸೀನಿಯರ್ ಸೋಲೋ ಡ್ಯಾನ್ಸ್‍ನಲ್ಲಿ ಬೆಸ್ಟ್ ಪರ್‍ಫಾರ್ಮರ್‍ನೊಂದಿಗೆ ಐದು ಸಾವಿರ ನಗದು ಬಹುಮಾನ ಪಡೆದಿದ್ದಾರೆ.
ಹಾಗೆಯೇ ನಗರದ ಡಿ. ವೈರಸ್ ಸ್ಟನ್ನರ್ಸ್ ಮಾಸ್ಟರ್ ಆನಂದ್‍ ಅವರ ನೇತೃತ್ವದ ಡ್ಯಾನ್ಸ್ ತಂಡ ಗ್ರೂಪ್ ಡ್ಯಾನ್ಸ್‍ನಲ್ಲಿ ರಾಷ್ಟ್ರಮಟ್ಟದಲ್ಲಿ 2ನೇ ಪ್ರಶಸ್ತಿಯೊಂದಿಗೆ ಐವತ್ತು ಸಾವಿರ ರೂ. ನಗದು ಬಹುಮಾನ ಪಡೆದಿದ್ದಾರೆ.
ಗುಣಶ್ರೀ ಅವರು ಡಿ. ವೈರಸ್ ಸ್ಟನ್ನರ್ಸ್ ಡ್ಯಾನ್ಸ್ ತಂಡದ ವಿದ್ಯಾರ್ಥಿನಿ. ಎ.ವಿ.ಕೆ. ಕಾಲೇಜಿನಲ್ಲಿ ಪ್ರಥಮ ಪಿಯುಸಿ ವ್ಯಾಸಂಗ ಮಾಡುತ್ತಿದ್ದು, ಮಾಜಿ ಮಹಾಪೌರರು ಹಾಗೂ ಮಹೇಂದ್ರಕರ್ ಟೆಕ್ಸ್‍ಟೈಲ್ಸ್ ಮಾಲೀಕ ಎಂ.ಎಸ್. ವಿಠ್ಠಲ್ ಅವರ ಪುತ್ರಿ.