ಕೊಟ್ಟೂರಿನ ಕೊಟ್ಟೂರೇಶ್ವರ ಮಹಾವಿದ್ಯಾಲಯದ ಸುವರ್ಣ ಸಂಭ್ರಮ ಕಾರ್ಯಕ್ರಮದಲ್ಲಿ ಉಜ್ಜಯಿನಿ ಜಗದ್ಗುರುಗಳು
ಕೊಟ್ಟೂರು, ಜ. 20 – ಶಿಕ್ಷಣ ದಾಸೋಹವನ್ನು ವೀರಶೈವ ಮಠ, ಮಾನ್ಯಗಳು ರಾಜ್ಯದಲ್ಲಿ ಕೈಗೊಳ್ಳ ದಿದ್ದರೆ, ರಾಜ್ಯ ಶಿಕ್ಷಣ ಮತ್ತು ಕಲಿಕೆಯ ಕ್ಷೋಭೆ ಯನ್ನು ಎದುರಿಸಬೇಕಾಗಿತ್ತು. ಮುಂದಾಲೋಚನೆಯ ಫಲವಾಗಿ ಮಠಗಳು ಈ ಕಾರ್ಯವನ್ನು ಸುಮಾರು ದಶಕಗಳಿಂದಲೂ ಕೈಗೊಂಡಿದ್ದರ ಪ್ರತಿಫಲವಾಗಿ ಸಾಕ್ಷರತೆ ಹೆಚ್ಚಾಗುವುದರ ಜೊತೆಗೆ, ದೊಡ್ಡ ಮಟ್ಟದಲ್ಲಿ ಶಿಕ್ಷಣ ಕ್ರಾಂತಿ ಆಗಲು ಸಾಧ್ಯವಾಗಿದೆ ಎಂದು ಉಜ್ಜಯಿನಿ ಸದ್ದರ್ಮ ಶ್ರೀ 1008 ಜಗದ್ಗುರು ಸಿದ್ದಲಿಂಗ ರಾಜದೇಶಿ ಕೇಂದ್ರ ಶಿವಾಚಾ ರ್ಯ ಭಗವತ್ಪಾದ ಮಹಾಸ್ವಾಮೀಜಿ ಹೇಳಿದರು.
ಇಲ್ಲಿನ ಕೊಟ್ಟೂರೇಶ್ವರ ಮಹಾವಿದ್ಯಾಲಯದ ಸುವರ್ಣ ಸಂಭ್ರಮ ಕಾರ್ಯಕ್ರಮವನ್ನು ಉದ್ಘಾಟಿಸಿ ಆಶೀರ್ವಚನ ನೀಡಿದ ಅವರು, ವಿದ್ಯಾದಾನ ಅನ್ನದಾನಕ್ಕಿಂತ ಪ್ರಮುಖದ್ದಾಗಿದೆ. ಅನ್ನ, ಅಕ್ಷರ ಆಸರೆಗೆ ಒತ್ತು ಕೊಟ್ಟು, ವೀರಶೈವ ಮಠಗಳು ಹಿಂದಿನಿಂದಲೂ ಇಂತಹ ಮಹತ್ವದ ಕಾರ್ಯದಲ್ಲಿ ತೊಡಗಿಸಿಕೊಂಡ ಕಾರಣಕ್ಕಾಗಿ, ರಾಜ್ಯದ ಮೂಲೆ ಮೂಲೆಗಳಲ್ಲಿ ಮತ್ತು ಗ್ರಾಮಾಂತರ ಪ್ರದೇಶಗಳ ಜನತೆಗೆ ಶಿಕ್ಷಣದ ಲಾಭ ಪಡೆಯುವಂತಾಯಿತು ಎಂದು ಅವರು ಹೇಳಿದರು.
ಸಂಸ್ಕೃತಿ, ಶಿಕ್ಷಣ ಒಟ್ಟುಗೂಡಿಸಿಕೊಳ್ಳುವುದ ರಿಂದ ಸರ್ವತೋಮುಖ ಬೆಳವಣಿಗೆ ಕಾಣಬಹುದಾಗಿದೆ. ಈ ನಿಟ್ಟಿನಲ್ಲಿ ಕೊಟ್ಟೂರೇಶ್ವರ ಮಹಾವಿದ್ಯಾಲಯ ಉನ್ನತ ಧ್ಯೇಯವಿರಿಸಿಕೊಂಡು ಸಾರ್ಥಕ ಸುವರ್ಣ ಮಹೋತ್ಸವವನ್ನು ಆಚರಿಸಿಕೊಳ್ಳುತ್ತಿರುವುದು ಹೆಮ್ಮೆಯ ವಿಷಯ ಎಂದು ಜಗದ್ಗುರುಗಳು ಮೆಚ್ಚುಗೆ ವ್ಯಕ್ತಪಡಿಸಿದರು.
ಪ್ರತಿಭಾ ಪಲಾಯನವನ್ನು ತಡೆಯಬೇಕು. ಇದರಿಂದಾಗಿ ಬಹಳಷ್ಟು ಪ್ರತಿಭೆಗಳು ರಾಷ್ಟ್ರದಲ್ಲೇ ಉಳಿಯುವಂತಾಗಲು ಕಾರ್ಯಕ್ರಮ ರೂಪಿಸಬೇಕು. ವಿಶ್ವದ ಅನೇಕ ಟಾಪರ್‌ಗಳಲ್ಲಿ ಭಾರತದ ಪ್ರತಿಭಾನ್ವಿತರ ಸಂಖ್ಯೆ ಹೆಚ್ಚು ಎಂದರು.
ಶಾಸಕ ಎಸ್.ಭೀಮಾನಾಯ್ಕ ಮಾತನಾಡಿ, ವೀರಶೈವ ವಿದ್ಯಾವರ್ಧಕ ಸಂಘ ಜಿಲ್ಲೆಯ ಎಲ್ಲಾ ಪ್ರದೇಶಗಳಲ್ಲಿ ಹಲವು ಬಗೆಯ ಶಿಕ್ಷಣ ಸಂಸ್ಥೆಗಳನ್ನು ನಡೆಸುವ ಮೂಲಕ ಜಿಲ್ಲೆಯ ಬಡ ವಿದ್ಯಾರ್ಥಿಗಳ ಶೈಕ್ಷಣಿಕ ಬೆಳವಣಿಗೆಗೆ ಕಾರಣವಾಗಿದೆ ಎಂದ ಅವರು ಕೊಟ್ಟೂರಿನ ಕೊಟ್ಟೂರೇಶ್ವರ ಮಹಾವಿದ್ಯಾಲಯ ಸುವರ್ಣ ಮಹೋತ್ಸವದ ನೆನಪಿಗಾಗಿ ನಿರ್ಮಿಸಲು ಉದ್ದೇಶಿಸಿರುವ ಸುವರ್ಣ ಭವನ ನಿರ್ಮಾಣಕ್ಕೆ ಶಾಸ ಕರ ಅನುದಾನದಲ್ಲಿ 25 ಲಕ್ಷ ರೂಗಳನ್ನು ಮಂಜೂರು ಮಾಡುವೆ ಎಂದು ಭರವಸೆ ವ್ಯಕ್ತಪಡಿಸಿದರು.
ಚಲನಚಿತ್ರ ಸಂಗೀತ ನಿರ್ದೇಶಕ ವಿ.ಮನೋ ಹರ ಮಾತನಾಡಿ, ಬದುಕನ್ನು ಶಿಕ್ಷಣ ಕಲಿಕೆಯ ರೂಪದಲ್ಲಿ ಕಟ್ಟಿಕೊಂಡಾಗ ಮಾತ್ರ ಬಹು ಬಗೆಯ ವ್ಯಕ್ತಿತ್ವ ತಂತಾನೇ ರೂಪುಗೊಳ್ಳುತ್ತದೆ ಎಂದರು.
ವೀ.ವಿ. ಸಂಘದ ಅಧ್ಯಕ್ಷ ಹೆಚ್.ಎಂ.ಗುರುಸಿದ್ದಸ್ವಾಮಿ ಅಧ್ಯಕ್ಷತೆ ವಹಿಸಿ ಮಾತನಾಡಿ, ವೀ.ವಿ. ಸಂಘದ ಕಾಲೇಜ್ ಕೊಟ್ಟೂರಿನಲ್ಲಿ ತೆರೆಯುವಂತೆ ಮಾಡುವಲ್ಲಿ ಈ ಭಾಗದ ಹಿರಿಯರ ಕೊಡುಗೆ ಅಪಾರವಾದುದ್ದಾಗಿದೆ ಎಂದರು.
ಕೂಡ್ಲಿಗಿ ಹಿರೇಮಠಾಧ್ಯಕ್ಷರಾದ ಶ್ರೀ ಪ್ರಶಾಂತ ಸಾಗರ ಶಿವಾಚಾರ್ಯ ಸ್ವಾಮೀಜಿ, ಶ್ರೀ ಹಿರೇಶಾಂತ ವೀರಸ್ವಾಮೀಜಿ, ಹಂಪಸಾಗರದ ಶ್ರೀ ಅಭಿನವ ಶಿವಲಿಂಗ ರುದ್ರಮುನಿ ಶಿವಾಚಾರ್ಯ ಸ್ವಾಮೀಜಿ, ವೀ.ವಿ.ಸಂಘದ ಉಪಾಧ್ಯಕ್ಷ ಅಲ್ಲಂ ಚನ್ನಪ್ಪ, ಕಾರ್ಯ ದರ್ಶಿ ಬಿ.ವಿ.ಬಸವರಾಜ, ಸಹಕಾರ್ಯದರ್ಶಿ ಜೆ.ಶಾಂತವೀರನಗೌಡ, ಚೋರನೂರು ಕೊಟ್ರಪ್ಪ, ಪ. ಪಂ.ಅಧ್ಯಕ್ಷೆ ಭಾರತಿ ಸುಧಾಕರ್‌ ಪಾಟೀಲ್, ಎಂ.ಎಂ.ಜೆ. ಸತ್ಯಪ್ರಕಾಶ, ವೀ.ವಿ.ಸಂಘದ ಕಾರ್ಯಕಾರಿ ಸಮಿತಿಯ ಸದಸ್ಯರುಗಳಾದ ಕಾತ್ಯಾಯಿಣಿ ಮರಿದೇವಯ್ಯ, ಹೆಚ್.ಎಂ.ಕಿರಣಕುಮಾರ, ಕೆಪಗಲ್ ಗಿರಿಜಾ, ಟಿ.ವಿರುಪಾಕ್ಷಗೌಡ, ಕೇರನಹಳ್ಳಿ ಚಂದ್ರಶೇಖರ್‌, ಏಳುಬಿಂಚಿ ರಾಜಶೇಖರ್‌, ಅಸುಂಡಿ ನಾಗರಾಜ್‌ಗೌಡ, ಅಕ್ಕಿ ಶಿವಕುಮಾರ, ಮೇಟಿ ಪಂಪನಗೌಡ, ಮಾಜಿ ಅಧ್ಯಕ್ಷ ಪಿ.ಚನ್ನಬಸವಗೌಡ ಪ್ರಾಚಾರ್ಯರಾದ ಶಾಂತಮೂರ್ತಿ ಬಿ. ಕುಲಕರ್ಣಿ, ಮಹಾವಿದ್ಯಾಲಯದ ಆಡಳಿತ ಮಂಡಳಿಯ ಸದಸ್ಯರಾದ ಬಿ.ಕೊಟ್ರೇಶ, ಉತ್ತಂಗಿ ಕೊಟ್ರಗೌಡ, ಜೆ.ಸಿ.ಧನಂಜಯ, ಮಂಜುನಾಥ ಮಠಪತಿ, ಕೆ.ಬಿ.ಮಲ್ಲಿಕಾರ್ಜುನ, ಅವಂತಿ ಬಸವರಾಜ್, ಹುಡೇದ್ ಮೃತ್ಯುಂಜಯ, ಎಸ್.ಎಂ.ಗುರುಪ್ರಸಾದ, ಅಡಿಕೆ ಮಂಜುನಾಥ, ಕೋರಿ ಬಸವರಾಜ್, ಎಂ.ಹೆಚ್. ಪ್ರಶಾಂತ್ ಕುಮಾರ್‌ ಮತ್ತಿತರರು ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದರು.
ಕೊಟ್ಟೂರೇಶ್ವರ ಮಹಾವಿದ್ಯಾಲಯದ ಆಡಳಿತ ಮಂಡಳಿ ಅಧ್ಯಕ್ಷ ಸಿದ್ದರಾಮ ಕಲ್ಮಠ್ ಸ್ವಾಗತಿಸಿದರು.