ದಾವಣಗೆರೆ, ಅ.1- ಕೆಟಿಜೆ ನಗರ 3ನೇ ಮುಖ್ಯ ರಸ್ತೆ, 11 ಮತ್ತು 12ನೇ ಕ್ರಾಸ್‌ನಲ್ಲಿರುವ ಶ್ರೀ ತುಳಜಾ ಭವಾನಿ ದೇವಸ್ಥಾನದಲ್ಲಿ ನಾಳೆ ದಿನಾಂಕ 3ರ ಗುರುವಾರದಿಂದ 9 ದಿನ ನಾಡ ಹಬ್ಬ ದಸರಾ ಮಹೋತ್ಸವ ಜರುಗಲಿದೆ.

ನಾಳೆ ಗುರುವಾರ ಬೆಳಿಗ್ಗೆ 9 ಗಂಟೆಗೆ ಹರಿಹರದಲ್ಲಿ ಅಮ್ಮನವರಿಗೆ ಗಂಗಾ ಪೂಜೆ ಜರುಗಲಿದೆ. ನಂತರ ಸಂಜೆ 7 ಗಂಟೆಗೆ ಶ್ರೀ ದೇವಿಯ ಘಟ ಸ್ಥಾಪನೆ, ದೀಪ ಹಾಕುವ ಕಾರ್ಯಕ್ರಮ ಏರ್ಪಾಡಾಗಿದೆ.

ದುರ್ಗಾಷ್ಟಮಿ ದಿನವಾದ ದಿನಾಂಕ 10ರ ಗುರುವಾರ ಚಂಡಿಕಾ ಹೋಮ ಮತ್ತು ಅನ್ನ ಸಂತರ್ಪಣೆ ಏರ್ಪಾಡಾಗಿದ್ದು, ಚಂಡಿಕಾ ಹೋಮದಲ್ಲಿ ಸಂಕಲ್ಪ ಮಾಡಿಸುವ ಭಕ್ತಾದಿಗಳು ದೇವಸ್ಥಾನದ ಅರ್ಚಕರಲ್ಲಿ ಹೆಸರು ನೋಂದಾಯಿಸಬಹುದು.

ದಿನಾಂಕ 11ರ ಶುಕ್ರವಾರ ಆಯುಧ ಪೂಜೆ, ದಿನಾಂಕ 12ರ ಶನಿವಾರ ಸಂಜೆ 4.30ಕ್ಕೆ ಬನ್ನಿ ಮುಡಿಯುವುದು, ಅಂಬು ಛೇದನ, ಪಲ್ಲಕ್ಕಿ ಉತ್ಸವ ಜರುಗಲಿದೆ.