ಮಲೇಬೆನ್ನೂರು, ಸೆ. 30- ಈಚೆಗೆ ನಡೆದ ಪದವಿ ಪೂರ್ವ ಕಾಲೇಜುಗಳ ಜಿಲ್ಲಾ ಮಟ್ಟದ ಕ್ರೀಡಾಕೂಟದಲ್ಲಿ ಹರನಹಳ್ಳಿ-ಕೆಂಗಾಪುರದ ಶ್ರೀ ರಾಮಲಿಂಗೇಶ್ವರ ಸ್ವಾಮಿ ಪ.ಪೂ. ಕಾಲೇಜಿನ ಬಾಲಕಿಯರು  ಕಬಡ್ಡಿ ಪಂದ್ಯದಲ್ಲಿ ಐತಿಹಾಸಿಕ ಗೆಲುವು ಸಾಧಿಸಿ, ಪ್ರಥಮ ಸ್ಥಾನ ಪಡೆದು ರಾಜ್ಯಮಟ್ಟಕ್ಕೆ ಆಯ್ಕೆಯಾಗಿದ್ದಾರೆ.

ಜಿಲ್ಲಾ ಮಟ್ಟದ ಬಾಲಕಿಯರ ಕಬಡ್ಡಿ ಪಂದ್ಯಗಳಲ್ಲಿ ಜಗಳೂರು, ಹರಿಹರ ತಂಡಗಳನ್ನು ಸೋಲಿಸಿ, ಅಂತಿಮ ಪಂದ್ಯದಲ್ಲಿ ದಾವಣಗೆರೆ ತಂಡದ ವಿರುದ್ಧ ಮುಖಾಮುಖಿಯಾಗಿ ಈ ರೋಚಕ ಪಂದ್ಯದಲ್ಲಿ ಅಭೂತ ಪೂರ್ವ ಗೆಲುವು ಸಾಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.

ಪಂದ್ಯದಲ್ಲಿ ತಂಡದ ನಾಯಕಿ ಹೇಮಶ್ರೀ, ಲೀಲಾವತಿ, ಮಂಜುಳಾ, ಸಂಜನಾ, ಸಹನಾ, ಅಭಿನಯ, ದರ್ಶಿನಿ, ಅಮೃತ, ರಕ್ಷಾ ಇದ್ದರು.ವಿದ್ಯಾರ್ಥಿನಿ ಯರನ್ನು ಶ್ರೀ ರಾಮಲಿಂಗೇಶ್ವರ ಸ್ವಾಮೀಜಿ, ಸಂಸ್ಥೆಯ ಅಧ್ಯಕ್ಷ ಹೆಚ್.ಆರ್. ವಿಜಯಕುಮಾರ್, ಪ್ರಾಂಶುಪಾಲ ಟಿ.ಎಂ. ದಾದಾಪೀರ್ ಅಭಿನಂದಿಸಿದ್ದಾರೆ.