ಬೂದಾಳ್‌ ರಸ್ತೆ ಬಾಬು ಜಗಜೀವನ್ ರಾಂ ನಗರದಲ್ಲಿರುವ ಶ್ರೀ ಗೌರಚಂದ್ರ ಮಾರಮ್ಮ ದೇವಿ ಜಾತ್ರೆಯು ಇಂದು ಮತ್ತು ನಾಳೆ ನಡೆಯಲಿದ್ದು, ಇಂದು ಶ್ರೀದೇವಿಗೆ ಅಧ್ಯಕ್ಷರಾದ ದಿ. ಶ್ರೀಮತಿ ವಳ್ಳಮ್ಮ, ದಿ. ದೇವೇಂದ್ರಪ್ಪ ಇವರ ಮಕ್ಕಳ ವತಿಯಿಂದ ಶ್ರೀದೇವಿಯ ಮಧು ಮಗಳು ಪೂಜೆ ಮತ್ತು ಉಡಿಯ ತುಂಬವ ಕಾರ್ಯಕ್ರಮ ನಡೆಯಲಿದೆ. ನಂತರ ಅನ್ನ ಸಂತರ್ಪಣೆ ಏರ್ಪಾಡಾಗಿದೆ.
ನಾಳೆ ಮಂಗಳವಾರ ಬೆಳಿಗ್ಗೆ 5 ರಿಂದ 6 ಗಂಟೆವರೆಗೆ ಬ್ರಾಹ್ಮೀ ಮುಹೂರ್ತದಲ್ಲಿ ಹರಿಹರದ ತುಂಗಭದ್ರಾ ನದಿಯಲ್ಲಿ ಹೊಳೆ ಪೂಜೆ, ಶ್ರೀದೇವಿಗೆ ಅಭಿಷೇಕ ನಡೆಯಲಿದೆ. ಪಿ.ಬಿ ರಸ್ತೆಯ ಅರುಣಾ ಸರ್ಕಲ್ ಬಳಿ ಇರುವ ಚಾಮುಂಡೇಶ್ವರಿ ದೇವಸ್ಥಾನದಿಂದ ಬೂದಳ್ ರಸ್ತೆಯ ಶ್ರೀ ಮಾರಮ್ಮ ದೇವಿ ದೇವಸ್ಥಾನದವರೆಗೆ ಶ್ರೀದೇವಿಯ ಮೆರವಣಿಗೆ ನಡೆಯಲಿದ್ದು, ನಂತರ ಸಂಜೆ 7 ರಿಂದ 9 ಗಂಟೆ ವರೆಗೆ ಶ್ರೀದೇವಿಯ ಮಹಾಮಂಗಳಾರತಿ ಪೂಜೆಯನ್ನು ಏರ್ಪಡಿಸಲಾಗಿದೆ.