ದಾವಣಗೆರೆ, ಸೆ. 15 – ನಗರದ ಕೊಂಡಜ್ಜಿ ಬಸಪ್ಪ ಸ್ಥಳೀಯ ಸಂಸ್ಥೆ  ವತಿಯಿಂದ ಶ್ರೀ ತರಳಬಾಳು ರೆಸಿಡೆನ್ಸಿಯಲ್ ಶಾಲೆಯಲ್ಲಿ ಗೀತ ಗಾಯನ (ದೇಶಭಕ್ತಿ ಗೀತೆ) ಸ್ಪರ್ಧೆಯನ್ನು ನಡೆಸಲಾಯಿತು. ಈ ಸ್ಪರ್ಧೆಯಲ್ಲಿ ಒಟ್ಟು 8 ಶಾಲೆಯ ಮಕ್ಕಳು ಭಾಗವಹಿಸಿ ಪ್ರಥಮ ಹಾಗೂ ದ್ವಿತೀಯ  ಸ್ಥಾನಗಳನ್ನು ಪಡೆದುಕೊಂಡಿದ್ದಾರೆ. 

ಕೊಂಡಜ್ಜಿ ಸ್ಥಳೀಯ ಸಂಸ್ಥೆಯ ಅಧ್ಯಕ್ಷ ಕೆ. ದಿನೇಶ್ ಶೆಟ್ಟಿ, ಜಿಲ್ಲಾ ಆಯುಕ್ತರಾದ (ಗೈಡ್) ಶಾರದಾ ಮಾಗಾನಹಳ್ಳಿ,  ಜಿಲ್ಲಾ ಸಂಸ್ಥೆಯ ಶ್ರೀಮತಿ ಅಶ್ವಿನಿ,  ಕೊಂಡಜ್ಜಿ ಬಸಪ್ಪ ಸ್ಥಳೀಯ ಸಂಸ್ಥೆಯ ಕಾರ್ಯದರ್ಶಿ ರವೀಂದ್ರ ಸ್ವಾಮಿ ಟಿ.ಎಂ. ಹಾಗೂ ತೀರ್ಪುಗಾರರಾಗಿ ಜ್ಯೋತಿ ಬಿ. ಅಂಗಡಿ, ಸುಜಾತ, ಗೈಡ್ ಕ್ಯಾಪ್ಟನ್ಸ್ ಅನಿತಾ, ಭಾವನ, ಸುಜಾತ, ರಜಿನಿ, ದೀಪಿಕಾ, ಸ್ಕೌಟ್ ಮಾಸ್ಟರ್ ಆದ ವಿಜಯ್ ಕುಮಾರ್ ಹಾಗೂ ಇತರರು ಕಾರ್ಯಕ್ರಮದಲ್ಲಿ ಉಪಸ್ಥಿತರಿದ್ದರು.