ಹಿಂದೂ ಮಹಾಗಣಪತಿ ವಿಸರ್ಜನೆಯ ಶೋಭಾಯಾತ್ರೆ ಮಾರ್ಗ ವೀಕ್ಷಣೆ

ಮಲೇಬೆನ್ನೂರು, ಸೆ.9- ಪಟ್ಟಣದ ನೀರಾವರಿ ಇಲಾಖೆಯ ಮೈದಾನದಲ್ಲಿ ಪ್ರತಿಷ್ಠಾಪಿಸಿರುವ 3ನೇ ವರ್ಷದ ಹಿಂದೂ ಮಹಾಗಣಪತಿ ವೇದಿಕೆಗೆ ಸೋಮವಾರ ಎಸ್ಪಿ ಉಮಾ ಪ್ರಶಾಂತ್ ಅವರು ಭೇಟಿ ನೀಡಿ, ಪರಿಶೀಲಿಸಿದರು.

ಮಹಾಗಣಪತಿ ವಿಸರ್ಜ ನೆಯ ಶೋಭಾಯಾತ್ರೆ ಬಗ್ಗೆ ಮತ್ತು ಭಾಗವಹಿಸುವ ಜನಸಂಖ್ಯೆ ಬಗ್ಗೆ ಸಂಘಟಿಕರಿಂದ ಮಾಹಿತಿ ಪಡೆದು ಕೊಂಡ ಎಸ್ಪಿ ಉಮಾ ಪ್ರಶಾಂತ್ ಅವರು, ನಂತರ ಪಟ್ಟಣದಲ್ಲಿ ಶೋಭಾ ಯಾತ್ರೆ ತೆರಳುವ ಮಾರ್ಗಗಳನ್ನೂ ವೀಕ್ಷಿಸಿದರು.

ಶೋಭಾಯಾತ್ರೆ ವೇಳೆ ಸೂಕ್ತ ಬಂದೋಬಸ್ತ್ ಕೈಗೊಳ್ಳುವುದಾಗಿ ತಿಳಿಸಿ, ನೀವೂ ಸಹ ಸ್ವಯಂ ಸೇವಕರನ್ನು ನೇಮಿಸಿಕೊಂಡು ಶಾಂತಿ, ಸುವ್ಯವಸ್ಥೆಗೆ ಸಹಕರಿಸಿ ಎಂದು ಹಿಂದೂ ಮಹಾಗಣಪತಿ ಸಮಿತಿಯವರಿಗೆ ಹೇಳಿದರು.

ಸಿಪಿಐ ಸುರೇಶ್ ಸಗರಿ, ಪಿಎಸ್ಐ  ಪ್ರಭು ಕೆಳಗಿನಮನಿ, ಜಿಲ್ಲಾ ಸಹಕಾರ ಒಕ್ಕೂಟದ ಅಧ್ಯಕ್ಷ ಸಿರಿಗೆರೆ ರಾಜಣ್ಣ, ಹಿಂದೂ ಮಹಾಗಣಪತಿ ಸಮಿತಿ ಅಧ್ಯಕ್ಷ ಅಶೋಕ್ ಯರೇಚಿಕ್ಕನಹಳ್ಳಿ, ಖಜಾಂಚಿ ಪಿ.ಆರ್.ರಾಜು, ಚಿಟ್ಟಕ್ಕಿ ನಾಗರಾಜ್, ಎ.ಕೆ.ಲೋಕೇಶ್, ಮೇದಾರ್ ರವಿ, ಹೊಸಳ್ಳಿ ಕರಿಬಸಪ್ಪ, ಸುಬ್ಬಿ ರಾಜಣ್ಣ, ಜಿಗಳಿ ಹನುಮಗೌಡ, ಎಕ್ಕೆಗೊಂದಿ ಕರಿಯಪ್ಪ, ಬಟ್ಟೆ ಅಂಗಡಿ ವಿಶ್ವ, ಲಿಂಗರಾಜ್, ಪಿ.ಹೆಚ್.ಶಿವಕುಮಾರ್, ಎ.ಕೆ.ಕಿರಣ್ ಮತ್ತಿತರರು ಈ ವೇಳೆ ಹಾಜರಿದ್ದರು.

ಪೊಲೀಸ್ ಚೌಕಿ : ಇಲ್ಲಿನ ಪೊಲೀಸ್ ಠಾಣೆಯಲ್ಲಿ ತಮ್ಮನ್ನು ಭೇಟಿ ಮಾಡಿದ ಸುದ್ದಿಗಾರರೊಂ ದಿಗೆ ಮಾತನಾಡಿದ ಎಸ್ಪಿ ಉಮಾ ಪ್ರಶಾಂತ್ ಅವರು, ಪಟ್ಟಣದ ಮುಖ್ಯ ವೃತ್ತದ ಬಳಿ ಇರುವ ಪೊಲೀಸ್ ಠಾಣೆಯ ಜಾಗದಲ್ಲಿ ಪೊಲೀಸ್ ಚೌಕಿ ನಿರ್ಮಿಸುವುದಾಗಿ ಮತ್ತು ಪುರಸಭೆಯಿಂದ ಮತ್ತಷ್ಟು ಅನುದಾನ ಪಡೆದು ಇನ್ನಷ್ಟು ಸಿಸಿಟಿವಿ ಕ್ಯಾಮೆರಾಗಳನ್ನು ಅಳವಡಿಸುವುದಾಗಿ ಹೇಳಿದರು.