ದಾವಣಗೆರೆ, ಸೆ.4- ನಗರದ ಸೀತಮ್ಮ ಪಿಯು ಕಾಲೇಜಿನ ಅರ್ಥಶಾಸ್ತ್ರ ವಿಭಾಗದಿಂದ ಬುಧವಾರ ಆಯೋಜಿಸಿದ್ದ `ಅರ್ಥಶಾಸ್ತ್ರದ ರೇಖಾ ಚಿತ್ರಗಳ ರಂಗೋಲಿ ಸ್ಪರ್ಧೆ’ ಯಶಸ್ವಿಯಾಗಿ ನಡೆಯಿತು.
ವಿದ್ಯಾರ್ಥಿಗಳು ಅರ್ಥಶಾಸ್ತ್ರಕ್ಕೆ ಸಂಬಂಧಿಸಿದ ವಿವಿಧ ರೀತಿಯ ನಕ್ಷೆ ಹಾಗೂ ಗ್ರಾಫ್‌ಗಳನ್ನು ಬಿಡಿಸುವ ಮೂಲಕ ಕಾಲೇಜಿನಲ್ಲಿ ಆಕರ್ಷಿಸಿದರು.
ಈ ವೇಳೆ ಪದವಿ ಪೂರ್ವ ಶಿಕ್ಷಣ ಇಲಾಖೆಯ ಜಿಲ್ಲಾ ನಿರ್ದೇಶಕ ಕರಿಸಿದ್ದಪ್ಪ, ಪ್ರಾಚಾರ್ಯರ ಸಂಘದ ಜಿಲ್ಲಾಧ್ಯಕ್ಷ ಪ್ರದೀಪ್‌, ಷಂಶುದ್ದೀನ್‌ ಖಾನ್‌, ಮಾರುತಿ ಎನ್‌. ಹಾವೇರಿ, ನೆಲ್ಲೂರು ಪಿಯು ಕಾಲೇಜಿನ ಅರ್ಥಶಾಸ್ತ್ರ ವೇದಿಕೆಯ ಅಧ್ಯಕ್ಷ ನಾಗರಾಜ್‌, ಶಿವಾನಂದ ಎಂ. ಕುಡಪಲಿ, ನಗರದ ವಿವಿಧ ಕಾಲೇಜಿನ ಪ್ರಾಚಾರ್ಯರು ಹಾಗೂ ಕಾಲೇಜಿನ ಸಿಬ್ಬಂದಿ ಇದ್ದರು.