ಹರಿಹರ, ಸೆ.1- ನಗರದ ಗಾಂಧಿ ಮೈದಾನದಲ್ಲಿ ಕ್ಲಸ್ಟರ್ ಒನ್ ವಲಯ ಮಟ್ಟದ ಪ್ರೌಢಶಾಲಾ ಕ್ರೀಡಾಕೂಟದಲ್ಲಿ ಬೆಳ್ಳೂಡಿ ಪಟೇಲ್ ಗುರುಬಸಪ್ಪ ಪ್ರೌಢಶಾಲಾ ಮತ್ತು ಜಿ.ಹೆಚ್.ಎಸ್.ಪ್ರೌಢಶಾಲಾ ಸಾರಥಿ ಶಾಲಾ ವಿದ್ಯಾರ್ಥಿಗಳ ನಡುವೆ ನಡೆದ ಖೋಖೋ ರೋಚಕ ಪಂದ್ಯದಲ್ಲಿ ಸಾರಥಿ ಗ್ರಾಮದ ಜಿ.ಹೆಚ್.ಎಸ್. ಪ್ರೌಢಶಾಲಾ ವಿದ್ಯಾರ್ಥಿಗಳು ಭರ್ಜರಿ ಗೆಲುವು ಸಾಧಿಸಿ ಜಿಲ್ಲಾಮಟ್ಟಕ್ಕೆ ಆಯ್ಕೆಯಾದರು.

ಗ್ರಾಮದಿಂದ ಆಟ ನೋಡಲು ಬಂದ ಕ್ರೀಡಾ ಪ್ರೋತ್ಸಾಹಕರು, ಗೆದ್ದಂತಹ ವಿದ್ಯಾರ್ಥಿಗಳನ್ನು ಎತ್ತಿಕೊಂಡು ವಿಜಯೋತ್ಸವದ ಸಂಭ್ರಮ ಆಚರಣೆ ಮಾಡುವುದರೊಂದಿಗೆ ಅಭಿನಂದಿಸಿದರು. 

ನಗರದ ಅಂಜುಮಾನ್ ಇಸ್ಲಾಮಿಯಾ ಸಂಸ್ಥೆಯ ವತಿಯಿಂದ ಕ್ರೀಡಾಕೂಟ ಏರ್ಪಡಿಸಲಾಗಿತ್ತು. ಈ ಸಂದರ್ಭದಲ್ಲಿ ದೈಹಿಕ ಶಿಕ್ಷಕರಾದ ಗಿರಿಯಮ್ಮ ಪ್ರೌಢಶಾಲೆಯ ಹನುಮಂತಪ್ಪ, ಶಿವಮ್ಮ ಪ್ರೌಢಶಾಲೆಯ ಮಲ್ಲಯ್ಯ, ವೀರೇಂದ್ರ ಪ್ರಸಾದ್, ಶೀಲಾ ಕೊಂಡಜ್ಜಿ, ಜ್ಯೋತಿ ರಾಜನಹಳ್ಳಿ, ಅಂಜುಮಾನ್ ಇಸ್ಲಾಮಿಯಾ ಪ್ರೌಢಶಾಲಾ ಶಿಕ್ಷಕ ಮಹಮ್ಮದ್ ಅಲಿ ಹಾಜರಿದ್ದರು.