ಮಲೇಬೆನ್ನೂರು, ಆ. 7- ಪಟ್ಟಣದ ಹೊರ ವಲಯದಲ್ಲಿರುವ ಶ್ರೀ ಭದ್ರಕಾಳಿ ಸಮೇತ ವೀರಭದ್ರೇಶ್ವರ ದೇವಸ್ಥಾನಕ್ಕೆ ಮಂಗಳವಾರ ಸಂಜೆ ಪವಾಡ ಪುರುಷ ಮೂಕಪ್ಪ ಸ್ವಾಮಿಗಳು ಆಗಮಿಸಿ, ಗರ್ಭಗುಡಿಯಲ್ಲಿ ಪಾದಪೂಜೆ ಮಾಡಿಸಿಕೊಳ್ಳುವ ಮೂಲಕ ಭಕ್ತರ ಗಮನ ಸೆಳೆದರು. ನಂತರ ಭಕ್ತರಿಗೂ ದರ್ಶನಾಶೀರ್ವದ ನೀಡಿದರು. ದೇವಸ್ಥಾನ ಟ್ರಸ್ಟ್ ಅಧ್ಯಕ್ಷ ಬಿ. ಪಂಚಪ್ಪ, ಉಪಾಧ್ಯಕ್ಷ ಬಿ. ಚಿದಾನಂದಪ್ಪ, ಖಜಾಂಚಿ ಬಿ.ಎನ್. ರುದ್ರೇಶ್, ಬಿ. ಮಲ್ಲಿಕಾರ್ಜುನ್, ಬಿ. ಶಂಭುಲಿಂಗಪ್ಪ, ಬಿ. ನಾಗೇಶ್, ಬಿ. ಉಮಾ ಶಂಕರ್, ಬಿ. ಮಹಾರುದ್ರಪ್ಪ, ಬಿ.ಎನ್. ವೀರೇಶ್, ಬಿ.ಸಿ. ಸತೀಶ್, ಉಪನ್ಯಾಸಕರಾದ ಹೊನ್ನಾಳಿ ಗಂಗಾಧರ್, ಎಸ್.ಎನ್. ಶಂಭುಲಿಂಗಪ್ಪ, ದೇವಸ್ಥಾನದ ಪ್ರಧಾನ ಅರ್ಚಕ ಬೆನಕೇಶ್ ಶಾಸ್ತ್ರಿಗಳು ಸೇರಿದಂತೆ, ನೂರಾರು ಭಕ್ತರು ಈ ವೇಳೆ ಹಾಜರಿದ್ದರು.