ಹರಪನಹಳ್ಳಿ, ಆ.5- ತಾಲ್ಲೂಕಿನ ಮಾಚಿಹಳ್ಳಿ ತಾಂಡಾದ ನಿವಾಸಿ ಜಿ.ಬಿ. ಪ್ರಿಯಾಂಕ ಭರತ್ ಅವರಿಗೆ ಹೈದ್ರಾ ಬಾದ್ ನ ಬಿರ್ಲಾ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ ಆಂಡ್ ಸೈನ್ಸ್ (ಬಿ.ಐ.ಟಿ.ಎಸ್) ಪಿ.ಎಚ್.ಡಿ. ಪದವಿ ಪ್ರದಾನ ಮಾಡಿದೆ.
ಬಿಐಟಿಎಸ್ ನ ಎಲೆಕ್ಟ್ರಿಕಲ್ ಅಂಡ್ ಎಲೆಕ್ಟ್ರಾನಿಕ್ಸ್ ಎಂಜಿನಿಯರಿಂಗ್ ವಿಭಾಗದ ಪ್ರಾಧ್ಯಾಪಕ ಪ್ರೊ.ಬಿ.ವಿ.ವಿ.ಎಸ್.ಎನ್. ಪ್ರಭಾಕರ್ ರಾವ್ ಮಾರ್ಗದರ್ಶನದಲ್ಲಿ ಡಿಸೈನ್ ಆಂಡ್ ಇಂಪ್ಲಿಮೆಂಟೇಷನ್ ಆಫ್ ಲೋ ಕಾಂಪ್ಲೆಕ್ಸ್ ಮೆಮರೈಸ್ಟಿವ್ ಸರ್ಕ್ಯೂಟ್ಸ್ ಯೂಸಿಂಗ್ ಮೆಷಿನ್ ಲರ್ನಿಂಗ್ ಅಲ್ಗಾರಿದಮ್ಸ್ ಫಾರ್ ಸಿಗ್ನಲ್ ಪ್ರೊಸೆಸ್ಸಿಂಗ್ ಅಪ್ಲಿಕೇಷನ್ಸ್’ ವಿಷಯ ಕುರಿತು ಮಂಡಿಸಿದ ಮಹಾ ಪ್ರಬಂಧಕ್ಕೆ ಇತ್ತೀಚೆಗೆ ನಡೆದ ಬಿಐಟಿಎಸ್ ಘಟಿಕೋತ್ಸವದಲ್ಲಿ ಪಿಎಚ್ ಡಿ ಪ್ರದಾನ ಮಾಡಲಾಗಿದೆ.
ಪ್ರಿಯಾಂಕ ಅವರು, ಕರ್ನಾಟಕ ಗ್ರಾಮೀಣ ಬ್ಯಾಂಕ್ ನಿವೃತ್ತ ಹಿರಿಯ ಪ್ರಬಂಧಕ ಎ.ಪುಟ್ಟ ನಾಯ್ಕ ಹಾಗೂ ಎ.ಪಿ. ಸರೋಜ ಅವರ ಸೊಸೆ ಹಾಗೂ ಎ. ಭರತ್ ಅವರ ಪತ್ನಿಯಾಗಿದ್ದಾರೆ.