ದಾವಣಗೆರೆ, ನ.25- ನಗರದ ಅಥಣಿ ಸಂಯುಕ್ತ ಪದವಿ ಪೂರ್ವ ಕಾಲೇಜಿನಲ್ಲಿ ಎಸ್ಸೆಸ್ಸೆಲ್ಸಿ ವಿದ್ಯಾರ್ಥಿಗಳಿಗೆ ಪರೀಕ್ಷಾ ತಯಾರಿಗೆ ಬೇಕಾದ ಸಲಹೆಗಳು ಹಾಗೂ ವಿದ್ಯಾರ್ಥಿಗಳಿಗೆ ಉತ್ತೇಜನ ನೀಡಲು ರಾಮನಗರದಿಂದ ಆಗಮಿಸಿದ್ದ ಅಧ್ಯಯನ ತಂತ್ರಗಳ ತರಬೇತುದಾರರಾದ ವಿ.ಎಸ್.ಪ್ರಶಾಂತ್ ಅವರು ನಡೆಸಿಕೊಟ್ಟ ಈ ಕಾರ್ಯಕ್ರಮದಲ್ಲಿ 500 ಕ್ಕೂ ಅಧಿಕ ವಿದ್ಯಾರ್ಥಿಗಳು ಭಾಗವಹಿಸಿ, ಇದರ ಸದುಪಯೋಗ ಪಡಿಸಿಕೊಂಡರು. 

ಈ ಸಮಾರಂಭದಲ್ಲಿ ವಿನಾಯಕ ಎಜುಕೇಷನ್ ಟ್ರಸ್ಟ್ ಸದಸ್ಯರಾದ ಅಥಣಿ ಪ್ರಶಾಂತ್, ಅಥಣಿ ಕಾಲೇಜ್ ಪ್ರಾಂಶುಪಾಲರಾದ ಡಯಾನಾ ದಿವ್ಯ ಹಾಗೂ ಎಸ್.ಬಿ.ಸಿ ಕಾಲೇಜಿನ ಪ್ರಾಂಶುಪಾಲರಾದ ಡಾ. ಕೆ. ಷಣ್ಮುಖಪ್ಪ ಇವರು ಉಪಸ್ಥಿತರಿದ್ದರು.