ದಾವಣಗೆರೆ, ನ. 25- ಇಲ್ಲಿನ ಭಗತ್‌ ಸಿಂಗ್ ನಗರದಲ್ಲಿರುವ ಅಂಜುಂ ಶಾಲೆಯಲ್ಲಿ 1987-1997ರ ಬ್ಯಾಚ್‌ನ ವಿದ್ಯಾರ್ಥಿಗಳಿಂದ ಕನ್ನಡ ಮಾಧ್ಯಮ ಶಿಕ್ಷಕರಿಗೆ ಗುರುವಂದನಾ ಕಾರ್ಯಕ್ರಮ ಏರ್ಪಡಿಸಲಾಗಿತ್ತು.
ಹಿರಿಯ ಶಿಕ್ಷಕ ಬಿ.ಎಂ. ಅತಾವುಲ್ಲಾ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದರು. ಮುಖ್ಯ ಅತಿಥಿಗಳಾಗಿ ಶಿಕಾರಿಪುರ ನಿವೃತ್ತ ಕ್ಷೇತ್ರ ಶಿಕ್ಷಣಾಧಿಕಾರಿ ಮಹ್ಮದ್ ರಫೀಕ್ ಖಾನ್, ಶಿಕ್ಷಕರಾದ ಹೆಚ್. ಸೈಫುಲ್ಲಾ, ಶ್ರೀಮತಿ ಎಸ್. ಮೀರಾಂಬಿ ಹಾಗೂ ಎಲ್ಲಾ ಗುರುಗಳು ಉಪಸ್ಥಿತರಿದ್ದರು.
ಕಾರ್ಯಕ್ರಮದಲ್ಲಿ ಸನ್ಮಾನಿತರಾದ ಎಲ್ಲಾ ಶಿಕ್ಷಕ ವೃಂದದವರು ಹಳೇ ವಿದ್ಯಾರ್ಥಿಗಳನ್ನು ಕಂಡು ಸಂತೋಷಭರಿತರಾಗಿ ಹಿತ ನುಡಿಗಳನ್ನಾಡಿದರು. ಹಳೇ ವಿದ್ಯಾರ್ಥಿ ಬಸವರಾಜ್ ಸ್ವಾಗತಿಸಿದರು. ಮನ್ಸೂರ್ ಅಲಿ ಕಾರ್ಯಕ್ರಮ ನಿರೂಪಿಸಿದರು. ಆರ್.ಹೆಚ್. ಗಾಯತ್ರಿ ವಂದಿಸಿದರು.