ದಾವಣಗೆರೆ, ನ.21- ಕರ್ನಾಟಕ ರಾಜ್ಯ ಸ್ಟ್ರೆಂಥ್‌ ಲಿಫ್ಟಿಂಗ್ ಅಸೋಸಿಯೇ ಷನ್ (ದಾವಣಗೆರೆ) ವತಿಯಿಂದ ವಿನೋಬ ನಗರದ ಶ್ರೀ ಸಿದ್ಧಿವಿನಾಯಕ ಸಾಂಸ್ಕೃತಿಕ ಸಂಘದ ಆವರಣದಲ್ಲಿ ಕಳೆದ ವಾರ ನಡೆದ ರಾಜ್ಯಮಟ್ಟದ ಸ್ಟ್ರೆಂಥ್‌ ಲಿಫ್ಟಿಂಗ್ ಮತ್ತು ಇನ್‌ಕ್ಲೇನ್ ಬೆಂಚ್ ಚಾಂಪಿಯನ್‌ ಶಿಪ್‌-2024 ರಲ್ಲಿ ದಾವಣಗೆರೆ ಜಿಮ್ ಕ್ಲಬ್ ಕ್ರೀಡಾಪಟುಗಳು 4 ಚಿನ್ನದ ಪದಕಗಳನ್ನು ಪಡೆದುಕೊಂಡಿರುತ್ತಾರೆ.
85 ಕೆ.ಜಿ. ಮಾಸ್ಟರ್ ವಿಭಾಗದಲ್ಲಿ ದಾವಣಗೆರೆ ಅರ್ಬನ್ ಕೋ-ಆಪ್‌ ಬ್ಯಾಂಕಿನ ವ್ಯವಸ್ಥಾಪಕ ಕೆ.ಎಸ್. ಮಹೇಶ್ ಅವರು ಎರಡು ಚಿನ್ನದ ಪದಕ ಹಾಗೂ 82 ಕೆ.ಜಿ. ತೂಕದ ಸಬ್‌ ಜ್ಯೂನಿಯರ್ ವಿಭಾಗದಲ್ಲಿ ದಾವಣಗೆರೆ ಕ್ಲಬ್ ಜಿಮ್ ಕೋಚ್‌ ಗೋಪಾಲ್ ಜಿ. ಇವರ ಪುತ್ರ ಪ್ರಜ್ವಲ್ ಜಿ. ಎರಡು ಚಿನ್ನದ ಪದಕಗಳಿಗೆ ಭಾಜನರಾಗಿರುತ್ತಾರೆ.
ಈ ಸಾಧಕರನ್ನು ದಾವಣಗೆರೆ ಕ್ಲಬ್ ಆಡಳಿತ ಮಂಡಳಿಯ ಅಧ್ಯಕ್ಷ ಎ.ಬಿ. ಚಂದ್ರಶೇಖರ್, ಉಪಾಧ್ಯಕ್ಷ ಉಳವಯ್ಯ ಎಸ್.ಜಿ., ಕಾರ್ಯದರ್ಶಿ ರವಿಶಂಕರ್ ಪಲ್ಲಾಗಟ್ಟಿ, ಸಹ ಕಾರ್ಯದರ್ಶಿ ಐನಳ್ಳಿ ಜಯದೀಪ್, ಖಜಾಂಚಿ ಪ್ರಶಾಂತ್ ಗುಪ್ತಾ ಎಸ್.ಕೆ., ನಿರ್ದೇಶಕರುಗಳಾದ ಬೆಳ್ಳೂಡಿ ಸದಾನಂದ, ರುದ್ರೇಶ್ ಹೆಚ್.ವಿ., ಬಾದಾಮಿ ಮಲ್ಲಿಕಾರ್ಜುನ್, ಅಭಿಷೇಕ್ ಬೇತೂರು, ವಿಶ್ವನಾಥ ಬಿ. ಪಾಟೀಲ್, ಸುಪುತ್ರಕುಮಾರ್ ಬಿ.ಟಿ. ಅಭಿನಂದಿಸಿದ್ದಾರೆ.