ದಾವಣಗೆರೆ, ನ. 19- ತಮಿಳುನಾಡು ರಾಜ್ಯದ ಸೇಲಮ್‌ನಲ್ಲಿ ಇದೇ ದಿನಾಂಕ 22 ರಿಂದ 24 ರ ವರೆಗೆ 3  ದಿನಗಳ ಕಾಲ  ಸೌತ್ ಇಂಡಿಯಾ  ಇಕ್ವಿಪೆಡ್ ಪವರ್ ಲಿಫ್ಟಿಂಗ್ ಚಾಂಪಿಯನ್ ಶಿಪ್ ಸ್ಪರ್ಧೆಯಲ್ಲಿ ಸಬ್ – ಜ್ಯೂನಿಯರ್,  ಜ್ಯೂನಿಯರ್ ಹಾಗು ಸೀನಿಯರ್ ಪುರುಷರ ಹಾಗು ಮಹಿಳೆಯರ  ಚಾಂಪಿಯನ್‌ಶಿಪ್‌ ಸ್ಪರ್ಧೆ ನಡೆಯಲಿದೆ. ಈ ಸ್ಪರ್ಧೆಗೆ ತೀರ್ಪುಗಾರರಾಗಿ ನಗರದ ಪವರ್‌ಲಿಫ್ಟಿಂಗ್‌ನಲ್ಲಿ ಜೀವಮಾನ ಪ್ರಶಸ್ತಿ ವಿಜೇತ, ಸ್ಟ್ರಾಂಗ್ ಮ್ಯಾನ್ ಆಫ್ ಏಷ್ಯಾ ಪ್ರಶಸ್ತಿ ವಿಜೇತ ಹಾಗೂ ರಾಷ್ಟ್ರೀಯ ಕೆಟಗರಿ -1 ತೀರ್ಪುಗಾರರಾದ  ಎಂ. ಮಹೇಶ್ವರಯ್ಯ ಹಾಗೂ  ಹರಿಹರ ವಾಸಿ ಕಾಮನ್‌ವೆಲ್ತ್ ಗೋಲ್ಡ್ ಮೆಡಲಿಸ್ಟ್, ರಾಷ್ಟ್ರೀಯ ಕೆಟಗರಿ -2 ತೀರ್ಪುಗಾರ ಜಿ. ವೀರಭದ್ರಪ್ಪ ಇವರುಗಳು ಆಯ್ಕೆಯಾಗಿದ್ದು, ಇದೇ 21ರಂದು ನಗರದಿಂದ ತೆರಳಲಿದ್ದಾರೆ.