ನಿಟುವಳ್ಳಿಯ ಶ್ರೀ ಶಿವಚಿದಂಬರ ಕ್ಷೇತ್ರದಲ್ಲಿ ಶ್ರೀ ಶಿವಚಿದಂಬರೇಶ್ವರ ಜಯಂತ್ಯೋತ್ಸವದ ಪ್ರಯುಕ್ತ ಸಂಸ್ಥಾಪಕ ಗೌರವ ಅಧ್ಯಕ್ಷವಿ. ಮೋಹನ್‌ ದೀಕ್ಷಿತರ ಸಾನ್ನಿಧ್ಯದಲ್ಲಿ ವಿವಿಧ ಕಾರ್ಯಕ್ರಮಗಳನ್ನು ಇಂದು ಮತ್ತು ನಾಳೆ ಹಮ್ಮಿಕೊಳ್ಳಲಾಗಿದೆ.

ಇಂದು ಸಂಜೆ 5.30ಕ್ಕೆ ಅಲಂಕೃತ ಶ್ರೀ ಶಿವಚಿದಂಬರೇಶ್ವರರ ಭಾವಚಿತ್ರ ಹಾಗೂ ಉತ್ಸವ ಮೂರ್ತಿಯೊಂದಿಗೆ ಭಜನೆ, ಘೋಷಣೆ, ಮಂಗಳ ವಾದ್ಯಗಳೊಂದಿಗೆ ಮೆರವಣಿಗೆಯ ಮೂಲಕ ಸ್ವಸ್ಥಾನ ತಲುಪುವುದು.

ನಾಳೆ ಗುರುವಾರ ಬೆಳಿಗ್ಗೆ 5ಕ್ಕೆ ಕಾಕಡಾರತಿ ಪ್ರಾತಃಸ್ಮರಣೆ, 6.00ಕ್ಕೆ ಪಂಚಾಮೃತ ಅಭಿಷೇಕ, ರುದ್ರಾಭಿಷೇಕ, ಬಿಲ್ವಾರ್ಚನೆ, ಮಹಾಪೂಜೆ, 8.00 ಕ್ಕೆ ಸ್ವಸ್ತಿ ಪುಣ್ಯಾಹ ವಾಚನ, ಕಲಾ ಹೋಮ, ರುದ್ರ ಸ್ವಾಹಾಕಾರ, ಪೂರ್ಣಾಹುತಿ, ಬೆಳಗ್ಗೆ 10 ಕ್ಕೆ ಶ್ರೀಮತಿ ನಿರ್ಮಲ ಚಿದಂಬರ ದೀಕ್ಷಿತ್‌ ಹಾಗೂ ಶ್ರೀ ಶಿವಚಿದಂಬರ ಮಹಿಳಾ ಮಂಡಳಿಯಿಂದ ಪ್ರವಚನ ಕಥಾನಿರೂಪಣೆೆ, ಬೆಳಗ್ಗೆ 11.15ಕ್ಕೆ ಶ್ರೀ ಶಿವಚಿದಂಬರೇಶ್ವರರ ತೊಟ್ಟಿಲೋತ್ಸವ, ವೈದಿಕ ವೃಂದ ಪೂಜೆ, ಜನ್ಮಾರತಿ, ಸುಹಾಸಿನಿಯರಿಗೆ ಉಡಿತುಂಬುುವುದು ಇತ್ಯಾದಿ. ಮಧ್ಯಾಹ್ನ 2.30ಕ್ಕೆ ಮಹಾನೈವೇದ್ಯ, ಮಹಾ ಮಂಗಳಾರತಿ, ತೀರ್ಥ ಪ್ರಸಾದ ವಿನಿಯೋಗ, ಸಂಜೆ 6.30ಕ್ಕೆ ಸಾಂಪ್ರದಾಯಿಕ ಭಜನೆ ನಂತರ ಮಹಾಮಂಗಳಾರತಿ, ತೀರ್ಥ ಪ್ರಸಾದ ವಿನಿಯೋಗ ಇರುತ್ತದೆ.