ದಾವಣಗೆರೆ, ನ.17- ನಗರದ ಇನ್ನರ್‌ವ್ಹೀಲ್ ಕ್ಲಬ್ ದಾವಣಗೆರೆ ವತಿಯಿಂದ ಹೊಳೆಸಿರಿಗೆರೆಯ ಸರ್ಕಾರಿ ಶಾಲೆಯಲ್ಲಿ ಮಕ್ಕಳ ದಿನಾಚರಣೆ ಆಚರಿಸಲಾಯಿತು.
ಕ್ಲಬ್ ವತಿಯಿಂದ ಶಾಲಾ ಮಕ್ಕಳಿಗೆ 75 ಶಾಲಾ ಬ್ಯಾಗ್, 200 ನೋಟ್‌ಬುಕ್ ಮತ್ತು 200 ಕೈ ಚೀಲಗಳನ್ನು ವಿತರಿಸಲಾಯಿತು.
ಇಂಟರ್‌ನ್ಯಾಷನಲ್ ಇನ್ನರ್‌ವ್ಹೀಲ್ ಕ್ಲಬ್‌ನ 101ನೇ ವರ್ಷದ ಸಂಭ್ರಮಾಚರಣೆ ಮತ್ತು ದಾವಣಗೆರೆ ಇನ್ನರ್‌ವ್ಹೀಲ್‌ನ ಕ್ಲಬ್‌ನ 50ನೇ ವರ್ಷದ ಸುವರ್ಣ ಮಹೋತ್ಸವವಾಗಿದೆ. 1974ರಲ್ಲಿ ದಿ. ಶ್ರೀಮತಿ ನಾಗಮ್ಮ ಕೇಶವಮೂರ್ತಿ ಅವರು ಕ್ಲಬ್ ಸ್ಥಾಪಿಸಿದ್ದರು.
ಈ ಸಂದರ್ಭದಲ್ಲಿ ಕ್ಲಬ್‌ನ ಜಿಲ್ಲಾ ಅಧ್ಯಕ್ಷರಾದ ಶ್ರೀಮತಿ ಡಾ. ಚೈತಾಲಿ ರಾಘೋಜಿ, ಕಾರ್ಯದರ್ಶಿ ಶ್ರೀಮತಿ ಸುಚಿತ್ರಾ ಮಾಗಾನಹಳ್ಳಿ, ಸದಸ್ಯರಾದ ಡಾ. ಶೋಭಾ ಧನಂಜಯ್, ಆಶಾ ಜಗದೀಶ್, ಭಾಗ್ಯ ರವಿಶಂಕರ್ ಹಾಗೂ ಮತ್ತಿತರರು ಈ ಸಂದರ್ಭದಲ್ಲಿ ಉಪಸ್ಥಿತರಿದ್ದರು.