ನಿರ್ಮಲ ತುಂಗಭದ್ರಾ ಅಭಿಯಾನವು ಇಂದು ಬೆಳಿಗ್ಗೆ ನ್ಯಾಮತಿ ತಾಲ್ಲೂಕು ಚೀಲೂರು ಪ್ರವೇಶಿಸಲಿದೆ ಎಂದು ಅಭಿಯಾನದ ತಾಲ್ಲೂಕು ಕಾರ್ಯದರ್ಶಿ ವಾಸಪ್ಪ ತಿಳಿಸಿದ್ದಾರೆ.

ಚೀಲೂರು ನಂತರ ಗೋವಿನ ಕೋವಿಯಲ್ಲಿ ಜನ ಜಾಗೃತಿ ಸಭೆ ನಡೆಯಲಿದೆ. ನಂತರ ಹೊನ್ನಾಳಿ ತಾಲ್ಲೂಕು ಹರಳಹಳ್ಳಿ, ದಿಡಗೂರು ಮಾರ್ಗವಾಗಿ ಪಟ್ಟಣದ ಟಿಬಿ ವೃತ್ತದಲ್ಲಿ ಸಮಾವೇಶಗೊಂಡು ಪಟ್ಟಣದ ಸಂಗೊಳ್ಳಿ ರಾಯಣ್ಣ ವೃತ್ತದಲ್ಲಿ ಸಾರ್ವಜನಿಕರ ಜಾಗೃತಿಯೊಂದಿಗೆ ಅರಿವು ಮೂಡಿಸಿ ರಾತ್ರಿ ಹಿರೇಕಲ್ಮಠದಲ್ಲಿ  ಪ್ರವಾಸದ ತಂಡವು ವಿಶ್ರಾಂತಿ ಪಡೆಯಲಿದೆ ಎಂದು ಅವರು ಹೇಳಿದ್ದಾರೆ.

ನಾಳೆ ಬುಧವಾರ ಮಠದಿಂದ ತುಂಗಭದ್ರಾ ನದಿ ಸೇತುವೆ ಮಾರ್ಗವಾಗಿ ಗೊಲ್ಲರಹಳ್ಳಿ, ಬೇಲಿಮಲ್ಲೂರು, ಕೋಟೆಮಲ್ಲೂರು, ಚಿಕ್ಕಗೋಣಿಗೆರೆ, ಹಿರೇಗೋಣಿಗೆರೆ, ಹರಗನಹಳ್ಳಿ ಮಾರ್ಗವಾಗಿ ಸಂಚರಿಸಿ ಕೋಣನತಲೆ ಮಠದಲ್ಲಿ ತಂಡವು ವಿಶ್ರಾಂತಿ ಪಡೆಯಲಿದೆ. ಬುಧವಾರ ಹರಿಹರ ತಾಲ್ಲೂಕಿಗೆ ಅಭಿಯಾನವು ಮುಂದುವರೆಯಲಿದೆ.