ದಾವಣಗೆರೆ, ನ.7- ನಗರದ   ಜಿ ಎಂ ತಾಂತ್ರಿಕ ಮಹಾವಿದ್ಯಾಲಯದ ಕಂಪ್ಯೂಟರ್ ಸೈನ್ಸ್ ವಿಭಾಗದ 2024ನೇ ಸಾಲಿನ ವಿದ್ಯಾರ್ಥಿನಿ ಕು.ಷಷ್ಠಿ ಡಿ.ಬಿ, ಇತ್ತೀಚಿಗೆ ನಡೆದ ಚೆನ್ನೈ ಮೂಲದ ಪೇಪಾಲ್ ಕಂಪನಿಯ ಸಂದರ್ಶನ ಪ್ರಕ್ರಿಯೆಯಲ್ಲಿ ಸಾಫ್ಟ್‌ವೇರ್ ಇಂಜಿನಿಯರ್ ಸ್ಥಾನಕ್ಕೆ  ಆಯ್ಕೆಯಾಗಿ ವಾರ್ಷಿಕ 34.4 ಲಕ್ಷಗಳ ರೂ.ಗಳ ಭರ್ಜರಿ ಆಫರ್ ಪಡೆದಿದ್ದಾರೆ. ಅವರೀಗ ಕಂಪನಿಯಲ್ಲಿ ತಮ್ಮ ವೃತ್ತಿಯನ್ನು ಪ್ರಾರಂಭಿಸಿದ್ದಾರೆ ಎಂದು ತರಬೇತಿ ಮತ್ತು ಉದ್ಯೋಗ ವಿಭಾಗದ ನಿರ್ದೇಶಕ ತೇಜಸ್ವಿ ಕಟ್ಟಿಮನಿ ತಿಳಿಸಿದ್ದಾರೆ.