ದಾವಣಗೆರೆ, ನ.7- ಇಂದಿಲ್ಲಿ ಜಿಲ್ಲಾ ಕ್ರೀಡಾಂಗಣದಲ್ಲಿ ಜೈನ್ ಸಮಾಜದ ಯುವಕರು ಬಾಷ್ ಬ್ರದರ್ಸ್ ವತಿಯಿಂದ `ಬಾಷ್ ಟಿ ಟೆನ್ ಲೀಗ್’ ರಾಜ್ಯ ಮಟ್ಟದ ಕ್ರಿಕೆಟ್ ಪಂದ್ಯಾವಳಿ ಏರ್ಪಡಿಸಲಾಗಿತ್ತು.
ಈ ಪಂದ್ಯಾವಳಿಯ ಉದ್ಘಾಟನೆಯನ್ನು ದೂಡಾ ಅಧ್ಯಕ್ಷ ದಿನೇಶ್ ಕೆ. ಶೆಟ್ಟಿ ಬ್ಯಾಟ್ ಮಾಡುವುದರ ಮೂಲಕ ಉದ್ಘಾಟಿಸಿದರು.
ಜೈನ್ ಸಮಾಜದ ಯುವಕರು ದುಡಿಮೆ ಮತ್ತು ಕ್ರೀಡೆಯನ್ನು ಉತ್ತಮವಾಗಿ ಮೈಗೂಡಿಸಿಕೊಂಡಿದ್ದಾರೆ. ಇದೇ ರೀತಿ ಕ್ರೀಡೆಯಲ್ಲಿ ಭಾಗವಹಿಸಿ, ಉತ್ತಮ ಆರೋಗ್ಯವಂತ ಪ್ರಜೆಗಳಾಗಿ ದೇಶಕ್ಕೆ ಒಳ್ಳೆಯ ಸಮಾಜ ಕಟ್ಟಿ ಎಂದು ಹಾರೈಸಿದರು.
ಈ ಸಂದರ್ಭದಲ್ಲಿ ಜೈನ್ ಯುವಕ ಮಂಡಳಿಯ ಮುಖಂಡರಾದ ಗೌತಮ್ ಜೈನ್, ಪ್ರದೀಪ್ ಜೈನ್, ನಿತೀಶ್ ಜೈನ್, ಸನ್ನಿ ಪರಮಾತ್, ಚಿರಾಗ್ ಜೈನ್, ಪ್ರಣಯ, ಪಕ್ಷಾಲ್, ದೀಪಕ್, ರಾಥೋಡ್ ಸೇರಿದಂತೆ ಮತ್ತಿತರರಿದ್ದರು.