ದಾವಣಗೆರೆ, ಅ. 31- ಉದ್ಯಮಿ ಶ್ರೀನಿವಾಸ್ ಶಿವಗಂಗಾ ಅವರ ನೇತೃತ್ವದಲ್ಲಿ ಅಖಿಲ ಭಾರತ ವೀರಶೈವ ಲಿಂಗಾಯತ ಮಹಾಸಭಾ ದಾವಣಗೆರೆ ತಾಲ್ಲೂಕು ಘಟಕ ಹಾಗೂ ಶಿವಗಂಗಾ ಗ್ರೂಪ್ಸ್ ವತಿಯಿಂದ ಬಾಡಾ ಕ್ರಾಸ್‌ನಲ್ಲಿರುವ ಶ್ರೀ ವೀರೇಶ್ವರ ಪುಣ್ಯಾಶ್ರಮದ ಅಂಧ – ಅನಾಥ ಮಕ್ಕಳಿಗೆ ಸಿಹಿ ಊಟ, ಹೊಸ ಬಟ್ಟೆಗಳನ್ನು ನೀಡಿ ಆ ಮಕ್ಕಳೊಂದಿಗೆ ಪಟಾಕಿ ಸಿಡಿಸುವುದರ ಮೂಲಕ ದೀಪಾವಳಿ ಹಬ್ಬವನ್ನು ಆಚರಿಸಲಾಯಿತು.
ಸಂಗೀತ ವಿದ್ಯಾರ್ಥಿಗಳು ಮತ್ತು ಯುವ ಪ್ರತಿಭೆ ನಿರಂಜನ್ ಸಂಗೀತ ಕಾರ್ಯಕ್ರಮ ನೀಡಿದರು.
ಈ ಸಂದರ್ಭದಲ್ಲಿ ಮಹಾಸಭಾ ತಾಲ್ಲೂಕು ಘಟಕ ಅಧ್ಯಕ್ಷ ಶಂಭು ಉರೇಕೊಂಡಿ, ಶಿವಗಂಗಾ ಗ್ರೂಪ್ಸ್‌ನ ಚಂದ್ರು ಕುಂದುವಾಡಮಠ, ಪವನ್, ಶಿವಕುಮಾರ್ ಚಾಮುಂಡಿ, ಬಸವರಾಜ್, ಮಂಜುನಾಥ್, ಕುಮಾರ್ ಶಾಮನೂರು, ಶಿವರತನ್, ಅನಿಲ್, ಶಿವರಾಜ್, ಮಂಜುನಾಥ್ ದೊಡ್ಡಮನಿ, ಆದರ್ಶ್, ನವೀನ್ ಆರ್ ಡಿ, ವಜ್ರಸ್ವಾಮಿ, ಗಾಯಕ ನಿರಂಜನ್, ಆಶ್ರಮದ ಕಾರ್ಯದರ್ಶಿ ಸಿದ್ದಲಿಂಗಸ್ವಾಮಿ ಇನ್ನಿತರರು ಹಾಜರಿದ್ದರು