ಹರಿಹರ, ಅ. 7 – ಶ್ರೀ ವಿಶ್ವಕರ್ಮ ಜಯಂತಿ ಅಂಗವಾಗಿ ನಾಡ ಬಂದ್ ದರ್ಗಾ ಪಕ್ಕದ ರಸ್ತೆಯಲ್ಲಿರುವ ಶ್ರೀ ಮೌನೇಶ್ವರ ಸ್ವಾಮಿಗೆ ಅಭಿಷೇಕ, ಮಹಾಮಂಗಳಾರತಿ ಸೇರಿದಂತೆ, ವಿವಿಧ ಪೂಜಾ ಕಾರ್ಯಗಳನ್ನು ನೆರವೇರಿಸಿ ವಿಶ್ವಕರ್ಮ ಸಮಾಜ ಪೀಠದ
ಜಗದ್ಗುರುಗಳಿಗೆ ಸಾರೋಟ ವಾಹನದಲ್ಲಿ  ಮೆರವಣಿಗೆ ಮಾಡಲಾಯಿತು. 

ಸಾರೋಟ ಮೆರವಣಿಗೆಯಲ್ಲಿ ವಿಶ್ವಕರ್ಮ ಪೀಠದ ಶ್ರೀ ಜಗದ್ಗುರು ಅರೆಮಾದನಹಳ್ಳಿ ಶಿವಸುಜ್ಞಾನ ತೀರ್ಥ ಸ್ವಾಮಿಗಳು, ವಡ್ಡಿನಹಾಳ ಪೀಠದ ಜಗದ್ಗುರು ಶ್ರೀ ಶಂಕರಾತ್ಮಾನಂದ ಸರಸ್ವತಿ ಸ್ವಾಮಿಗಳು, ಮೂರುಜಾವೇಶ್ವರ ಮಠದ ಅಂತರವಳ್ಳಿ ಶ್ರೀ ನಿರಂಜನ ಸ್ವಾಮಿಗಳು ಮತ್ತು ಮೌನೇಶ್ವರ ಸ್ವಾಮಿಗಳು ಪಾಲ್ಗೊಂಡಿದ್ದರು. 

ಈ ಸಂದರ್ಭದಲ್ಲಿ ವಿಶ್ವಕರ್ಮ ಸಮಾಜದ ಮುಖಂಡ ಆರ್. ಮಲ್ಲಪ್ಪ ಬಡಿಗೆರ್, ನಾಗರಾಜ್ ಶಿಲ್ಪಿ, ರಾಜಚಾರ್, ಜನಾರ್ಧನಚಾರ್ ಪ್ಯಾಟಿ, ಲಕ್ಷ್ಮಿ ರಾಜಾಚಾರ್, ನೇತ್ರಾವತಿ ಪ್ಯಾಟಿ, ಎಂ. ಶ್ರೀನಿವಾಸ್ ಮೂರ್ತಿ, ರಾಮತೀರ್ಥ, ಮೌನೇಶಾಚಾರ್ ಕೊಂಡಜ್ಜಿ, ಮಂಜುನಾಥ್, ಹಿರಣ್ಯಾಚಾರ್, ಮಾಲತೇಶಚಾರ್, ಚಂದ್ರಚಾರ್, ಬಸವರಾಜ್, ಶಾಂತಾಚಾರ್, ಪ್ರಕಾಶ್, ಇತರರು ಹಾಜರಿದ್ದರು.