ಶರನ್ನವರಾತ್ರಿ ಮಹೋತ್ಸವದ ಅಂಗವಾಗಿ ನಿಜಲಿಂಗಪ್ಪ ಬಡಾವಣೆಯ ರಿಂಗ್ ರಸ್ತೆ ಬಳಿ ಇರುವ ಶ್ರೀ ಗಣಪತಿ, ಶ್ರೀ ಶಾರದಂಬಾ, ಶ್ರೀ ಚಂದ್ರಮೌಳೀಶ್ವರ ಮತ್ತು ಶ್ರೀ ಶಂಕರಾಚಾರ್ಯರ ದೇವಸ್ಥಾನದಲ್ಲಿ ಇಂದು ಶಾರದಾದೇವಿಗೆ ಗರುಡ ವಾಹನಾಲಂಕಾರ (ವೈಷ್ಣವಿ) ಮಾಡಲಾಗುವುದು.

ಬೆಳಿಗ್ಗೆ 8 ಕ್ಕೆ ಯಾಗ ಶಾಲೆ ಪ್ರವೇಶ, ಗಣಹೋಮ, ನವಗ್ರಹ, ಮೃತ್ಯುಂಜಯ ಹೋಮಗಳು ನೆರವೇರಲಿವೆ. ಸಂಜೆ 5 ರಿಂದ 6 ರವರೆಗೆ ದೇವಿಯ ಹಾಡುಗಳ ಗಾಯನ, 6 ರಿಂದ ಹರಿಹರ ಶಿವಪ್ರಕಾಶ ಶಾಸ್ತ್ರಿಗಳಿಂದ `ದೇವೀ ಸ್ತುತಿ’ ಕುರಿತು ಉಪನ್ಯಾಸ ಏರ್ಪಡಿಸಲಾಗಿದೆ.