ಜಗಳೂರಿನ ಈದ್ ಕಾರ್ಯಕ್ರಮದಲ್ಲಿ ಶಾಸಕ ದೇವೇಂದ್ರಪ್ಪ

ಜಗಳೂರು, ಸೆ.16- ಪ್ರವಾದಿ ಮಹಮ್ಮದ್ ಪೈಗಂಬರ್ ಜನ್ಮದಿನವಾದ ಇಂದು ಈದ್ ಮಿಲಾದ್ ಹಬ್ಬವು ಸಾಮರಸ್ಯ, ಸೌಹಾ ರ್ದತೆಯ ಪ್ರತೀಕವಾಗಿದೆ ಎಂದು ಶಾಸಕ ಬಿ.ದೇವೇಂದ್ರಪ್ಪ ಹೇಳಿದರು.

ಪಟ್ಟಣದ ಮಹಾತ್ಮಗಾಂಧಿ ವೃತ್ತದ ಬಳಿ ಈದ್ ಮಿಲಾದ್ ಹಬ್ಬದ ಅಂಗವಾಗಿ ಹಮ್ಮಿಕೊಂಡಿದ್ದ ಮೆರವಣಿಗೆಯಲ್ಲಿ ಭಾಗವಹಿಸಿ ಅವರು ಮಾತನಾಡಿದರು.

ಮಹಮ್ಮದ್ ಪೈಗಂಬರ್ ಅವರ ಸಂದೇಶಗಳು ಸಮಾಜಕ್ಕೆ ಆದರ್ಶಗಳು. ಧರ್ಮಾತೀತವಾಗಿ ಧಾರ್ಮಿಕ ವಿಚಾರಗಳ ಸಂವಹನ, ಸಮಾಲೋಚನೆಗಳು ಹಬ್ಬಗಳು ಸಂಭ್ರಮದ ಸೆಲೆಯಾಗಬೇಕು. ವಿಶ್ವದಲ್ಲಿ ಶಾಂತಿ ನೆಲಸಬೇಕು ಎಂದು ತಿಳಿಸಿದರು.

ಪಟ್ಟಣದ ಭುವನೇಶ್ವರಿ, ಮಹಾತ್ಮಗಾಂಧಿ ವೃತ್ತಗಳ ಮೂಲಕ ಪ್ರಮುಖ ಬೀದಿಗಳಲ್ಲಿ ಮೆರವಣಿಗೆಮೂಲಕ  ಖುರಾನ್ ಪಠಣದೊಂದಿಗೆ ಈದ್ ಮಿಲಾದ್ ಸಂಭ್ರಮದಿಂದ ಆಚರಿಸಲಾಯಿತು.

ಈ ಸಂದರ್ಭದಲ್ಲಿ ಕೆಪಿಸಿಸಿ ಎಸ್ ಟಿ ಘಟಕದ ರಾಜ್ಯಾಧ್ಯಕ್ಷ ಕೆ.ಪಿ.ಪಾಲಯ್ಯ, ಮುಖಂಡರಾದ ಬಿ.ಮಹೇಶ್ವರಪ್ಪ, ಮಸ್ಜಿದ್ – ಏ ಇಮಾಮ್ ಅಹಮದ್ ರಜಾ ಮಸೀದಿಯ ಅಧ್ಯಕ್ಷ ಶಫಿವುಲ್ಲಾ ಖಾನ್, ಧರ್ಮ ಗುರು ಅರ್ಪಾತ್ ಮೌಲಾನ, ಎಸ್ . ಎಸ್.ಎಫ್. ತಾಲೂಕು ಅಧ್ಯಕ್ಷ ನಿಜಾಮ್ ಖಾನ್, ಮಸೀದಿ ಕಮಿಟಿ ಮುಖ್ಯಸ್ಥರಾದ ಮಹಮ್ಮದ್ ಗಜಾಲಿ, ನಜರ್ ಉಲ್ಲಾಖಾನ್, ಕಲಂದರ್ ಹಜರತ್, ಷಂಷೀರ್ ಅಹಮದ್, ಶಕೀಲ್ ಅಹಮದ್, ಇಮ್ತಿಯಾಸ್, ಸಾಧಿಕ್, ಇರ್ಫಾನ್, ಸಮಿಉಲ್ಲಾ.ಎಸ್., ದಾದಾಪೀರ್ ಕೌಸರ್ ಹಾಗೂ ಮಸೀದಿ ಕಮಿಟಿ  ಸದಸ್ಯರು ಇದ್ದರು.