ದಾವಣಗೆರೆ, ಸೆ.10- ರಾಘವೇಂದ್ರ ಹೈಟೆಕ್ ಪಿಯು ಕಾಲೇಜಿನ ವಿದ್ಯಾರ್ಥಿಗಳು ಈಚೆಗೆ ನಡೆದ 2024-25ನೇ ಸಾಲಿನ ತಾಲ್ಲೂಕು ಮಟ್ಟದ ಕ್ರೀಡಾ ಕೂಟದಲ್ಲಿ ಉತ್ತಮ ಸಾಧನೆ ಮಾಡಿದ್ದಾರೆ.

ಬಾಲಕಿಯರ ಟೆನ್ನಿಕಾಯ್ಟ್‌ ಸ್ಪರ್ಧೆಯಲ್ಲಿ ಜಿ.ಹೆಚ್ ಮಾನಸ, ಜಿ.ಎಸ್‌. ಅಪೂರ್ವ, ಎನ್‌.ಆರ್‌. ಚಂದನ, ಎಚ್‌.ಆರ್‌. ಪ್ರಿಯಾ ಹಾಗೂ ರುಬಾ ತಾಜ್ ಪ್ರಥಮ ಸ್ಥಾನ ಪಡೆಯುವ ಮೂಲಕ ಜಿಲ್ಲಾ ಮಟ್ಟಕ್ಕೆ ಆಯ್ಕೆಯಾಗಿದ್ದಾರೆ. ಬಾಲಕರ ಟೆನ್ನಿಕಾಯ್ಟ್‌ ಸ್ಪರ್ಧೆಯಲ್ಲಿ ಸಿ. ಆದರ್ಶ, ಎಸ್‌.ಎಂ. ಜೀವನ್, ಡಿ.ಕೆ. ರಾಜು, ಡಿ.ಆರ್. ಲಿಖಿತ್ ಗೌಡ ಹಾಗೂ ಎ. ಪವನ್ ದ್ವಿತೀಯ ಸ್ಥಾನ ಪಡೆದಿದ್ದಾರೆ.
ಕೆ.ಎನ್‌. ಕೀರ್ತನ ಚೆಸ್‌ ಸ್ಪರ್ಧೆಯಲ್ಲಿ ತೃತೀಯ ಸ್ಥಾನ ಪಡೆದಿದ್ದಾರೆ.