ದಾವಣಗೆರೆ, ಸೆ. 5- ಮಾತೃದೇವೋ ಸಮಾಜ ಕಲ್ಯಾಣ ಮತ್ತು ಶೈಕ್ಷಣಿಕ ಚಾರಿಟೇಬಲ್ ಟ್ರಸ್ಟ್ ವತಿಯಿಂದ ಶಿಕ್ಷಕರ ದಿನಾಚರಣೆ ಅಂಗವಾಗಿ ಎಸ್.ಓ.ಜಿ ಕಾಲೋನಿಯ ಜಿ.ವಿ.ಎಸ್. ಕಾನ್ವೆಂಟ್‌ಗೆ ಭೇಟಿಕೊಟ್ಟು ಶಿಕ್ಷಕರಿಗೆ ಶಿಕ್ಷಕರ ದಿನದ ಶುಭಾಶಯಗಳನ್ನು ತಿಳಿಸಿ ಸಂಸ್ಥಾಪಕ ಅಧ್ಯಕ್ಷ ಪೋತುಲ ಶ್ರೀನಿವಾಸ ನೇತೃತ್ವದಲ್ಲಿ ಕೆ.ಎನ್. ಪ್ರಜ್ವಲ್ ಶಿಕ್ಷಕ ವೃತ್ತಿಯ ಮಹತ್ವದ ಬಗ್ಗೆ ಮಾತನಾಡಿದರು.
ಶಿಕ್ಷಕರುಗಳಾದ ಗೀತಾ, ಹೇಮಾ, ಪವಿತ್ರಾ ಮತ್ತು ಗುರುರಾಜ್ ಅವರುಗಳಿಗೆ ಸನ್ಮಾನ ಮಾಡುವ ಮೂಲಕ ಅಭಿನಂದನೆಗಳನ್ನು ಸಲ್ಲಿಸಿದರು. ಕಾರ್ಯಕ್ರಮದಲ್ಲಿ ಟ್ರಸ್ಟ್‌ನ ಸದಸ್ಯರಾದ ಭಾರದ್ವಾಜ್, ಶ್ರೀಮತಿ ವನಿತಾ, ಆಶಾ, ಲಕ್ಷ್ಮಿ ಚಂದ್ರಕಲಾ, ಮಂಜುನಾಥ್, ರಾಘವೇಂದ್ರ ಉಪಸ್ಥಿತರಿದ್ದರು.