ರಂಭಾಪುರಿ ಪೀಠ (ಬಾಳೆಹೊನ್ನೂರು) ಸೆ.2- ಬಾಳೆಹೊನ್ನೂರು ಶ್ರೀ ರಂಭಾಪುರಿ ಡಾ. ವೀರಸೋಮೇಶ್ವರ ಜಗದ್ಗುರುಗಳವರ ಸೆಪ್ಟಂಬರ್ ಮಾಹೆಯ ಪ್ರವಾಸ ಕಾರ್ಯಕ್ರಮ ಈ ಕೆಳಗಿನಂತಿದೆ.  

ನಾಡಿದ್ದು ದಿನಾಂಕ 4 ರಂದು ಅಜ್ಜಂಪುರ ತಾಲ್ಲೂಕು ಮಾಕೋನಹಳ್ಳಿಯಲ್ಲಿ ಇಷ್ಟಲಿಂಗ ಮಹಾಪೂಜೆ, ದಿನಾಂಕ 5 ರಂದು ಶಿವಮೊಗ್ಗದಲ್ಲಿ ಶ್ರೀ ಸ್ವಯಂಭು ಸೋಮೇಶ್ವರ ಸಭಾ ಭವನದ ಉದ್ಘಾಟನೆ, ದಿನಾಂಕ 8 ರಂದು ರಾಯಚೂರು ಕಿಲ್ಲಾ ಬೃಹನ್ಮಠದಲ್ಲಿ ಪುರಾಣ ಮಂಗಲ ಸಮಾರಂಭ, ದಿನಾಂಕ 9 ರಂದು ಹುಬ್ಬಳ್ಳಿ ತಾಲ್ಲೂಕು ಸುಳ್ಳದ ಪಂಚಗೃಹ ಹಿರೇಮಠದಲ್ಲಿ ಪುರಾಣ ಮಂಗಲ ಸಮಾರಂಭ, ದಿನಾಂಕ 10 ರಂದು ಬೆಳಗಾವಿ ಜಿಲ್ಲೆ, ರಾಮದುರ್ಗ ತಾಲ್ಲೂಕಿನ ಗೊಡಚಿ ಕ್ಷೇತ್ರದಲ್ಲಿ ಶ್ರೀ ಜಗದ್ಗುರು ರೇಣುಕಾಚಾರ್ಯ ಗುರುಕುಲ ಕಟ್ಟಡದ ಶಿಲಾನ್ಯಾಸ ನೆರವೇರಿಸುವರು. 

ದಿನಾಂಕ 11 ರಂದು ಹರಿಹರ ತಾಲ್ಲೂಕು ಮಲೆಬೆನ್ನೂರಿನಲ್ಲಿ ಇಷ್ಟಲಿಂಗ ಮಹಾಪೂಜಾ, ದಿನಾಂಕ 12 ಮತ್ತು ದಿನಾಂಕ 13 ರಂದು ಶಿವಮೊಗ್ಗ ಮತ್ತು ಚೋರಡಿಯಲ್ಲಿ ಪೂಜೆ, ದಿನಾಂಕ 14 ರಂದು ಬೆಂಗಳೂರಿನಲ್ಲಿ ಇಷ್ಟಲಿಂಗ ಪೂಜಾ – ಧರ್ಮ ದರ್ಶನ, ದಿನಾಂಕ 15 ರಂದು ಕೋಲಾರ ಜಿಲ್ಲೆ ನಾಗಲಾಪುರದಲ್ಲಿ ಇಷ್ಟಲಿಂಗ ಪೂಜಾ, ದಿನಾಂಕ 16 ರಂದು ಬೆಂಗಳೂರಿನಲ್ಲಿ ಇಷ್ಟಲಿಂಗ ಪೂಜೆ ನಡೆಸುವರು. 

ದಿನಾಂಕ 18 ರಂದು ಬಾಳೆಹೊನ್ನೂರು ಶ್ರೀ ಪೀಠದಲ್ಲಿ ಪೌರ್ಣಿಮೆಯ ನಿಮಿತ್ಯ ವಾಸ್ತವ್ಯವಿದ್ದು, ಭಕ್ತಾದಿಗಳಿಗೆ ದರ್ಶನಾಶೀರ್ವಾದ ನೀಡುವರು. ದಿನಾಂಕ 20 ರಂದು ಅಜ್ಜಂಪುರ ತಾಲ್ಲೂಕು ಬುಕ್ಕಾಂಬುಧಿಯಲ್ಲಿ ದಾಸೋಹ ಮಂದಿರ ಉದ್ಘಾಟನಾ ಸಮಾರಂಭ, ದಿನಾಂಕ 22 ರಂದು ಶಿವಮೊಗ್ಗದಲ್ಲಿ ಇಷ್ಟಲಿಂಗ ಮಹಾಪೂಜಾ ಹಾಗೂ ದಿನಾಂಕ 23 ರಂದು ಹಾವೇರಿಯಲ್ಲಿ ಶ್ರೀ ಮಾಹೇಶ್ವರ ಕ್ರೆಡಿಟ್ ಕೋ ಆಪ್ ಸೊಸೈಟಿಯ 26ನೇ ವಾರ್ಷಿಕೋತ್ಸವ ಸಮಾರಂಭದ ಸಾನ್ನಿಧ್ಯ ವಹಿಸುವರು ಎಂದು ಶ್ರೀ ಪೀಠದ ವಾರ್ತಾ ಸಂಯೋಜನಾಧಿಕಾರಿ ಸಿ.ಹೆಚ್.ಬಾಳನಗೌಡ್ರ ತಿಳಿಸಿದ್ದಾರೆ.