ದಾವಣಗೆರೆ, ಆ. 12- ಇಲ್ಲಿನ ವಿರಕ್ತಮಠದ ಎಸ್‌ಜೆಎಂ ಶಾಲೆಯಲ್ಲಿ ಮಕ್ಕಳಿಗಾಗಿ ಇಂದು ಏರ್ಪಡಿಸಿದ್ದ ಎಸ್‌ಜೆಎಂ ಸಂತೆ ಎಂಬ ವಿಶೇಷ ಕಾರ್ಯಕ್ರಮವನ್ನು ವಿರಕ್ತ ಮಠದ ಶ್ರೀ ಬಸವಪ್ರಭು ಸ್ವಾಮೀಜಿ ಉದ್ಘಾಟಿಸಿದರು.
ಸಮಾರಂಭದ ಕುರಿತು ಸ್ವಾಮೀಜಿ ಮಾತನಾಡಿ, ಮಕ್ಕಳಿಗೆ ಸಂತೆಯ ಪರಿಚಯವನ್ನು ಮಾಡಿಕೊಡುವ ಉದ್ದೇಶದಿಂದ ಈ ಸಂತೆ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿದೆ ಎಂದು ತಿಳಿಸಿದರು.
ಶಾಲಾ ಪಾಠಗಳಲ್ಲಿ ತೂಕದ ಬಗ್ಗೆ ಪಾಠಗಳಿ ರುತ್ತವೆ. ಅದನ್ನು ಪ್ರಾಯೋಗಿಕವಾಗಿ ಅವರಿಗೆ ಮನದಟ್ಟು ಮಾಡಿಕೊಡಲು ಮಕ್ಕಳ ಸಂತೆಯನ್ನು ಶಾಲೆಯ ಮುಖ್ಯೋಪಾಧ್ಯಾಯರು ಏರ್ಪಡಿಸಿದ್ದಾರೆ.
ಪಠ್ಯದ ಜೊತೆಗೆ ಪಠ್ಯೇತರ ಚಟುವಟಿಕೆಗಳನ್ನು ಮಕ್ಕಳಿಗೆ ಪರಿಚಯಿಸುವ ಕೆಲಸವನ್ನು ಶಿಕ್ಷಕರು ಮತ್ತು ಪೋಷಕರು ಮಾಡಬೇಕು. ಆಗ ಮಾತ್ರ ಸರ್ವಾಂಗೀಣವಾದ ಮಾಹಿತಿಯು ಮಕ್ಕಳಿಗೆ ದೊರಕುತ್ತದೆ. ಇಂತಹ ಮಾದರಿ ಪ್ರಯೋಗಗಳನ್ನು ವಿರಕ್ತ ಮಠದ ಎಸ್‌ಜೆಎಂ ಸ್ಕೂಲ್ ಮಾಡುತ್ತಿದೆ. ದಾವಣಗೆರೆ ಹಳೆಯ ಭಾಗದಲ್ಲಿ ಕಡಿಮೆ ಶುಲ್ಕದೊಂದಿಗೆ ಉತ್ತಮ ಗುಣಮಟ್ಟದ ಶಿಕ್ಷಣವನ್ನು ವಿರಕ್ತಮಠದ ಶಾಲೆ ನೀಡುವ ಕಾರ್ಯ ಮಾಡಿದೆ ಎಂದು ಸ್ವಾಮೀಜಿ ತಿಳಿಸಿದರು
ಮುಖ್ಯೋಪಾಧ್ಯಾಯ ರೋಷನ್ ಜಮೀರ್, ಶಿಕ್ಷಕರಾದ ಫಾರೂಖ್, ಜಗದೀಶ್, ಸಿದ್ದಲಿಂಗಸ್ವಾಮಿ, ಪ್ರದೀಪ್ ಇತರರು ಇದ್ದರು.